مثل الحيا سيرته تذكر لعربانه: للشاعر بدر القوس

هذه القصيده موجهه للشيخ جهجاه بن تركي الحبردي العتيبي

مــن يـــوم جــهـجـاه تـل الــيـوم ذيدانه *** مــاتــلــهــن غــيـر قـدمـه خابرن ديره


خلى هل الضين تــقــعـد يــم مــرحـانه *** يـتـلـهـن تـــل والله يــعـلـم الــخــيـره


يــســوق عــفـرن تـشوق البال طربانه *** يــعـس قـدامـهـا تــتــبــع مــسـايـيـره


تــقـول مـزنـن تـخـلــع فـــيـه ربــانـــه *** يــرعــابـهـا الـعـشب لازافت نــواويــره


يــرعـى بـهـا فـي مثاني نــجد واركانه *** ون بــكـر الــوســم عـجلاتن مـحـاديره


شيخن على الـطيب يرجح دوم ميزانه *** دايــم تـعــاقــب عــلـى بـيته مساييره


دايــم يـرحــب ويـشـرح بـال ضــيفانه *** ومــع الـــكـرم زايـدن لـلـكـل تــقـديـره


مـثـل الحيا ســيـرتـه تـذكر لعربــانه *** بحسن النــباء والتقى والخلق والجيره


وان جــاه رد الــبـرا من يم عـدوانــه *** اسطا من الــسـيف مع عنتر ومع زيره


جهجاه شيخن خصال الجود عــنوانه *** جــهــجاه راع الــوفـا والطيب والسيره


وخــتـامـهـا الطيب يوم يفوح دخــانه *** الـلـي عـلـى الـجـمـر قام يفوح تعبيره


وصــلاة ربــي عــدد مـاهـل ودانــه *** عــلـى الـنـبـي عــد مـاهــلـت مزابيره



الشاعر بدر القوس

صح لسان القووس

وقولة نعم بين الرجال مدوره

لاهنت

صـح بدنــــــكـــ