19-Mar-2006, 08:37 PM
أسعد الله أوقاتكم
و
مبروك لنا الاستايل الجديد الأكثر من رائع .
هذي قصيدتي و أنا متعلّق أنا واخوي في شركة صدق :
أرجو أن تنال قبولكم مع أطيب تحياتي و أمنياتي :
يا صدق و يش اللي فعلتيه فينا ؟=معك صدقنا لكن العيد جبتيه
السوق كله لاجل عينك جفينا=و منّك طلبنا الود و رضاك نرجيه
لا شك خنتينا و جرتي علينا=مع الزمن ربي كفانا بلاويه
يا صدق و الله غيركم ما بغينا=لو إن بسهم الغدر قلبي رميتيه
لي فصل أنا و يّاك و مدحدرينا=في سوق الاسهم بالخيانه كتبتيه
وحدان جاني و استشاط و شرينا=سهم(ن) بستّميه و خمسين بعتيه
قال النسب تقبل عليك و علينا=و السوق كله يمكن الصبح نشريه
و من نومنا باليوم الآخر صحينا=قالوا مضارب صدق غابت طواريه
من يوم ذا الهامور أقبل علينا=خل المضارب مالنا حاجة(ن) فيه
ثم التذبذب قيّدوا له يدينا=و خمسه بدل عشره قالوا تكفّيه
و عوّد مؤشرها حمر ثم دعينا=و ما خاب ظن اللي على الله رجاويه
وحدان وش سوّيت يااخوك فينا؟=يوم الحبل بكراع علّقتني فيه
(يا ليتنا من حجّنا سالمينا)=و لا عرفت السوق و جملة معانيه
كان المواتر يا فتى تحترينا=و منها جديد أخذت و النفس تبغيه
لا شك أنا مع صدق و انته بقينا=خوّة سفر لازم نواصل و نقضيه
نصبر و هي تصبر عليه و علينا=و لا بدّ عقد الغصب في يوم ننهيه
أبـــــو هـــــــــــــوازن
و
مبروك لنا الاستايل الجديد الأكثر من رائع .
هذي قصيدتي و أنا متعلّق أنا واخوي في شركة صدق :
أرجو أن تنال قبولكم مع أطيب تحياتي و أمنياتي :
يا صدق و يش اللي فعلتيه فينا ؟=معك صدقنا لكن العيد جبتيه
السوق كله لاجل عينك جفينا=و منّك طلبنا الود و رضاك نرجيه
لا شك خنتينا و جرتي علينا=مع الزمن ربي كفانا بلاويه
يا صدق و الله غيركم ما بغينا=لو إن بسهم الغدر قلبي رميتيه
لي فصل أنا و يّاك و مدحدرينا=في سوق الاسهم بالخيانه كتبتيه
وحدان جاني و استشاط و شرينا=سهم(ن) بستّميه و خمسين بعتيه
قال النسب تقبل عليك و علينا=و السوق كله يمكن الصبح نشريه
و من نومنا باليوم الآخر صحينا=قالوا مضارب صدق غابت طواريه
من يوم ذا الهامور أقبل علينا=خل المضارب مالنا حاجة(ن) فيه
ثم التذبذب قيّدوا له يدينا=و خمسه بدل عشره قالوا تكفّيه
و عوّد مؤشرها حمر ثم دعينا=و ما خاب ظن اللي على الله رجاويه
وحدان وش سوّيت يااخوك فينا؟=يوم الحبل بكراع علّقتني فيه
(يا ليتنا من حجّنا سالمينا)=و لا عرفت السوق و جملة معانيه
كان المواتر يا فتى تحترينا=و منها جديد أخذت و النفس تبغيه
لا شك أنا مع صدق و انته بقينا=خوّة سفر لازم نواصل و نقضيه
نصبر و هي تصبر عليه و علينا=و لا بدّ عقد الغصب في يوم ننهيه
أبـــــو هـــــــــــــوازن
