مقتطفات من هذا القسم

مساكم / عطر

مقتطفات من هذا القسم

اتمنى ان تنال على استحسانكم


لـو القصايـد تفتـح اليـوم بيبـان=تسرح وتمـرح ليـن تذبـل جفونـك

واخاصمك وازعل على شان من شان=اتحط لي لا هنت موقـع فـي كونـك

بنشدك وارسل ردك الحـر فـي (آن)=وان ما اعجبك زود على (الآن) (اونك)

(( فيصل الثبيتي ))


انت لو منته بصيـل ولا عريبـي=كان ماعنيت مـع دربـك قدامـي
لو طلبت عيون مقبـول العتيبـي=جتك مني قبل ما اوفـي كلامـي

(( مقبول الشيباني ))


القلـب مايشكـي غـرام يناجـيـه=ولا يشتكي من الود واللي سلكوبـه
شكواه شكوى من فقد نصف أهاليـه=ويصيح بأعلى الصوت وين العروبه
وين اللحم والـدم ويـن المشاريـه=وين النظام اللـي يزيـل العقوبـه
الظلـم واضـح بينـات مـواريـه=والحق معنـا لـو بظلـم ادعوبـه

(( عبدالله الحمياني ))


ياللي تقول الهم فـي قلبـك امقيـم=اقول ما انـت بهالمشاكـل لحالـك
غيرك وغيرك فيه نـاس ٍ مهاميـم=معروف هـذا شـي حطّـه ببالـك

(( مرزوق العتيبي ))


عصابة الارهـاب ماراحـت ابعيـد=اهدافهـم صعبـه عليهـم بعيـده
تخطيط فاشـل والمنفـذ سراميـد=بافكـار منحرفـه اعقـول بليـده
من مات منهم قدمه احساب ووعيد=والحي عايش فـي حيـاة ٍ نكيـده
وش عذرهم في يوم شيب المواليد=ياويلهـم مـن حـر نـار ٍ وقيـده

(( نشاط الزلامي ))


هاذي (8) أسنين ماطابلـي كيـف=وايامنـا عيّـت تحقـق هدفـهـا
مشتالها بين الضلـوع المراديـف=يومن حظي في طريقـي حذفهـا

(( مقعد الدغيلبي ))


القُرب نعمة لا صار القلب حسّاسـي=والبعد يثّـر علـى العشّـاق سلبيّـاً
وإن طوّل البعد أبا آكلها على رأسـي=هذي هـي نهايـة العشّـاق حرفيّـاً
لو ما تشوفك عيوني يا بعـد ناسـي=والله لتلقيـنّـي مـيّـت دمـاغـيّـاً

(( وصل العطياني ))


باب الرجاء دوب الوجيه السفيره=وللي يجي بالكار ويروح بالكار
ماهوب للي ماينوخ بعيره=اللى على سبة وفيين الاذكار
خبلٍ ليا جته المهمه كبيره=يبلش وينشب ويتضايق ويحتار
صادق صديق من الخطر تستجيره=ان بار وقتك صاحبك فيك مابار

(( ناصر بن محمد ))


ان كان باقي شوق انا ارجوك خبّـه=اكيد تحتاجـه مـع اللـي لكـم لاق
مادامـقلبـك مـشـركٍ بالمحـبـه=اليـوم لازم تؤمـن بصـد وفـراق
وانا عتيبـي مارجـى غيـر ربـه=عزيز نفـس لعـزة النفـس عشّـاق

(( خلف بن مرزوق ))


لعنبو مزح الرخـوم اللّـي مافيـه الاّ النقـاده=ولعنبوا كثـر المهايـط والمخايـط واللجاجـه

المجالس بعضهـا صـارت يـادادي يـادداده=يـادداده يـاددادي مالـي بطريـاك حـاجـه

(( عيضه الثبيتي ))

/
\

ماهو الا مجهود من محبكم قد ينجح او يفشل

و أعتذر ممن لم اورد لهم ابيات من قصائدهم وبالأخص التي نشرت تحت اسماء مستعاره او التي اقل من 8 ابيات

ومن هنا اوجه رساله لأصحاب الأسماء المستعاره

زينو قصايدكم باساميكم يامال الشحم :)

ودمتم

أخوكم / مشعل الدعجاني

اتمنى المشاركه من الجميع

واللي يذكر ابيات من ابيات شعرائنا المبدعين ارجو منه ايرادها لنا

...
.
سلمت يداك على مجهودك يابن مفلح
كماعهدناك دائما متميز ...
...
اخوك ...

....
...


الشاعر العذب

والاخ الغالي / مشعل بن حويد


فكرة رااائعة ولا نستغرب من صاحب فكر لاينبع الا بماهو رائع ومميّز


مجهود تشكر عليه ولي عودة

وادعو رواد هذا القسم العامر بالابداعات مشاركتنا


مودتي

.

يا مرحبا يابو محمد

والتميز مايكمل الا بوجودك

نوّرت الصفحه بوجودك

يا مرحبا تراحيب المطر يا خلف


والله يعينا على تقديم كل مايفيد هالمنتدى الشامخ بالوافين مثلك وشرواك

والمكان كله لك

لاهنت
يابن مفلح
مجهود تشكر
عليه وليس بغريب
عليك يامشعل
بيض الله وجهك
تقبل قائق احترامي
وتقديري
أخوك/مقعد الدغيلبي

يامرحبا يامقعد

عطرت الصفخه يالامير

شاكرلك مرورك يالغالي

وحنا كلنا للهيلا