لغز,والفزعه يـرجال
المطيـري20-Nov-2006, 03:25 PM
السلام عليكم جميعاً كيف حالكم
طال عمركم أبي الحل الله لايهينكم ولي يعرف الحل لا يبخل
اللغز يقول:
اللي يخبرني بــه اقــول لاهنت ...... رجلٍ يشيل الشيل مشيول شايل
إلى تحــول للعدد ينســب لبنـت ...... وبالوزن يضــــــرب به كثيرالمثايـل
يشرب من الدم الحمر لو تمعنت ..... عمره سنه ويصير سـملاً ســمايل
الفراهيدي21-Nov-2006, 03:06 AM
وعليكم السلام ورحمة الله وبركاته
والله اللغز هذا صعب شوي
لكن أن شاء الله واحد من الربع يحله
فرناس21-Nov-2006, 06:34 PM
والله برمعه وعلى الله
وشرايك في ابوجلنبو |166|
المطيـري21-Nov-2006, 08:59 PM
مشكور أخوي الفراهيدي على مرورك
أخوي فرناس وش هو بو جلنبو
ياليت لوتعلموني با الحل
نواف العصيمي21-Nov-2006, 09:34 PM
ابو جلمبو
مفك كبير
وإذا كان الجواب غير صحيح إنتظر
هناك المبدع مازن وهو مايدخل إلا نادراً ولاكن سيأتيك أنتظره
لك التقدير والاحترام
المطيـري22-Nov-2006, 02:47 PM
مشكور أخوي اسيرالصمت على المرور والإضاح ونننتظر أخونا مازن
فهيد الايدا المورقي22-Nov-2006, 08:50 PM
اخوي المطيري حياك الله
ماهو عدد الصفر
المطيـري23-Nov-2006, 03:23 AM
الله يحيك أخوي بناخي الايداء والله مدري يالغالي ونا ما أعرف الحل وبي الحل منكم
لأن في واحد تحداني
فهيد الايدا المورقي23-Nov-2006, 03:32 AM
يالمطيري قول لخويك الرمعه هاذي
وشوف وش رده هل صحيح ولاخطاء
وعطنا الرد
المطيـري24-Nov-2006, 01:18 PM
أبشر بسعدك أخوي بناخي الايداء ونا رسلت له رمعتك ونتظر رده اللي عطاني اللغز
المطيـري24-Nov-2006, 08:41 PM
أخوي فرناس راعي اللغز يقول ماهو المفك الكبير
وأخوي بناخي الايداء راعي اللغز يقول ماهو عدد الصفر
الفزعه يرجال
انا بنتظار رمعاتكم
المطيـري26-Nov-2006, 05:16 PM
فهيد الايدا المورقي26-Nov-2006, 10:17 PM
ابن نجاء27-Nov-2006, 11:52 PM
الاخ المطيري
اسعد الله مساك وش رايك بالسيف
النايف اللامي28-Nov-2006, 07:12 AM
السلام عليكم بعد التفكير
أقول يمكن القلب
يشيل الهم وهو شايل مشيول
وفي العد ضربات القلب يصبح مؤنث ضربات
ويشرب من الدم واضحه
مجتهد وأبي أعرف أذا جوابي صح
المطيـري29-Nov-2006, 04:26 PM
أخوي بناخي الايداء راعي اللغز يقول ماهو السعن
==============================
ومشكورين أخوي اني على المرور والرمعات ونتظرو الجواب وبشوف راعي اللغز
غذا كان الحل السيف اوالقلب أنتضرو
ذيب برقااا30-Nov-2006, 01:21 PM
يالربعي يا حبتي بشرووووو لقيتو الجواب ؟؟
جاء في بالي حل وابقوله لانه قريب من وصف اللغز وهو الـــذهب اللي ينسب لبنت ووزنه يضرب كثير المثايل وهذا والله اعلم
المطيـري01-Dec-2006, 11:59 PM
ياهلا بك أ خوي ابن نجاء وراعي اللغز سألته يقول مالك لوى ماهو السيف
ياهلا بك أخوي النايف اللامي وراعي اللغز سألته يقول مالك لوى ماهو القلب
فكروو شباب افا وين الشعـــــــار
المطيـري02-Dec-2006, 12:02 AM
ياهلا بك أخوي ذيب برقااا وراعي اللغز سألته يقول مالك لوى ماهو الذهب
والفزعه يا الرجــــــال
ابوبراك02-Dec-2006, 01:33 AM
اخوي المطيري حياك الله
ماهو عدد الصفر
ابن نجاء03-Dec-2006, 11:05 PM
الاخ العزيز المطيري وشرايك بالدين طبعا وزنه ثقيل وليا تحول للعدد ينسب للكمبياله
عجل علينا لاهنت
ساري 305-Dec-2006, 07:34 PM
اخوي المطيري ابا اعطيك رمعه ولعلها تكون صحيحه وهي==(((((((((( الباعوضه))))))))))))0
لانهاا تمص الدم ولانهاا مشيوله على جناحين وعاد الوزن ماخف من وزنهااا احد،،،،، والله اعلم 0
ولك ولمرتادين هذا المنتدى خالص تحياتي0
ودمتم اخوك ساري
فهد 105-Dec-2006, 07:51 PM
السلام عليكم ورحمه الله وبركاته
مساء الخير المطيري
النظر
فهد1
المطيـري06-Dec-2006, 02:48 PM
اسف على التأخير ابشرو
انارسلت رمعاتكم ونتظر الرد من راعي اللغز
ساري 306-Dec-2006, 04:03 PM
اسف على التأخير ابشرو
انارسلت رمعاتكم ونتظر الرد من راعي اللغز
بسم الله الرحمن الرحيم
تكفى ياخوك انا متشوق هي اجابتي الصحيحه والا لا
الهمرق 9906-Dec-2006, 04:56 PM
رمعتي ( ماهوب شعر الراس )
المطيـري14-Dec-2006, 12:08 PM
ياهلا فيكم من جديد وأسف على التأخير
وملكم لوى جميعاً الرمعات اللي قلتوها كلها خطأ
وللغز حلوه رياجيل مثلكم وشرواكم وماهم معكم في المنتدى
واللغز كان يقول:
اللي يخبرني بــه اقــول لاهنت ...... رجلٍ يشيل الشيل مشيول شايل
إلى تحــول للعدد ينســب لبنـت ...... وبالوزن يضــــــرب به كثيرالمثايـل
يشرب من الدم الحمر لو تمعنت ..... عمره سنه ويصير سـملاً ســمايل
والحل هو/الـــريـــش
واشوفكم إنشاء الله في المرات الجايه
واشكر جميع من شارك معي في اللغز والله يوفقكم
فهيد الايدا المورقي14-Dec-2006, 03:54 PM
صح لسان راع اللغز وصح لسانك يالمطيري
والله لغز مليان وعجزنا
تحياتي
الهمرق 9916-Dec-2006, 11:47 PM
رمعتي ( ماهوب شعر الراس )
هلي بغيت اجيبها زمت حاجة بسيطة ومشكور على اللغز
