لاواشقى قلب ٍ بغاليه مرهون

لاواشقى قلب ٍ بغاليه مرهون =في ساعة الفرقى نهار الوداعي

لو ودّعه من جملة الناس مليون = ما اتضيق في وجه المحب المساعي

إلا وداع اللي به القلب مفتون = اللي لميثاق المحبه ايراعي

ساعة وداعه بيّح الصدر مكنون = وهلت دموع العين دون انقطاعي

بيني وبينه عهد ناس ٍ يحبون = فالحب مايشرى بسوق ويباعي

حب الهلالي والكسر وابن لعبون = وكم غيرهم في مركب العشق ساعي

عشقتها عشقن على الطيب مضمون = ولا قد دعا عشقه من السو داعي

يانور عيني يابعد كل مزيون = يامن جعل قلبي بصده يلاعي

هذا هوايه يا عرب لو تقولون = وأمره على نفسي ونهيه مطاعي

ولاهمني لوقالت الناس مجنون = يا كثر مايعلن بالانبا ويذاعي

نــــوح ابــــن صـقــر

...
الصفوف الامامية

ولي عودة

موووودتي

ولاهمني لوقالـت النـاس مجنـون
يا كثـر مايعلـن بالانبـا ويذاعـي.....,

الله الله يانوح ...

سلمت يارائع على هالعذوبه ,,

عز الله قهويتي في هالصبح :)


صح لسانك .. واستمر ابداعك ..,


أخوك

..
شاعر الهيلا..
نوح بن صقر ..صح السانك يالجزل
قصيده رائعه جداً .. وانت الاروع منها .:)
وننتشظر جديدك يالغالي..

.

السلام عليكم ورحمة الله وبركاته

الاخ العزيز خلف بن مرزررررررررق انت راع الاوله يابن الرجال اليوم ودوم

عساه هني وعافيه اخووووي مشعل

واشكرك اشكرك على هالمشاركه الجميله

ابـــــو نجر النفــــــــــــــــــيعي

لا عدمنا مشاركات يالغالي

ومشكوووووووووووريـــــــــــــــــــــــــن

ابوجراح

صح لسانك . قصيده رائعه

لك التقدير والإحترام

صح بدنك اخــــــــــــــــوي /نواف

ولالالالاهـــــــــــــنت