ياليالي

يالله اني طالبك يا باسط(ن)سبع الاراضي=ياكريم(ن)بالعطا واليا عطا ما فيه منه
انت قادر وانت حاكم وانت عادل وانت قاضي=وانت كل الكون من صنعك ومن بدعك وفنه
وانت لا ضاقتبي الدنيا واراضيها العراضي=مزبني يا مزبن المضيوم من هم(ن)يكنه
ليلي البارح قضيته والحشا فيه الشواضي=مونس(ن) وسط الحشا نارن سعيره مستكنه
اتقلب والعيون الساهره فيها انتفاضي=عافن المرقاد عن حلو الكرى ما يقبلنه
ساهر(ن) لين اتضح خيط السواد من البياضي=مهتنيت النوم والعالم هجوع ومرجهنه
من هموم(ن)كنها بحرن بوسط الفكر فاضي=هاجت امواجه على مركب حياتي واغرقنه
وعذاب القلب منها صايرن فيه اختضاضي=حالته حالة يتيم(ن)والليالي لوعنه
عايشن في دنيت الاهوال والعمر افتراضي=ما يعيش ابهاا ضعيف الزند لو كشر بسنه
زارعه في جوفها لغم ومحابيل(ن)رباضي=ترقب الي غافلن عن طرقته ثم طرحنه
ياليالي لرضيتي قلت انا ما ني براضي=وكان راضي فاليالي ما رضت بالي نظنه
من يناظر في عيوني شاف برق الغيم ناضي=يخبر الي مادرى عما حصل في ضيمهنه

الاخ محارب الـــــزله

صح لسانك واعتلا شانك0 تحياتـــــــي ،،،،

يالله انـي طالبـك يـا بسـط(ن)الاراضـي

..
صح لسانك يا محارب الزلّه ..
ابيات جزله ,,, ومعبره ..

.
واتوقع عندك غلط مطبعي في البيت الاول :)
.
.
موووودتي..

صح بدنك اخوي

ماله

امان وشكرا على مشاركتك الطيبه

صح بدنك يا

ابو نجر

اشكرك على مشاركتك