كبتن عتيبه عجل عجل

ياسلامي على كبتن عتيبه سلام=من هجوسً بمعناها وقانونها

يالثبيتي تراني سامعلي كلام=اوحي اعلوم كل الناس يوحونها

الله الله


مرحبا بالصحيب اللي علومه تمام=صاحبً من ورى الحروه ماهو دونها
انت ويش انت سامع يارفيع المقام=السوالف بروقً تمطر مزونها

انت ويش انت سامع يارفيع المقام
السوالف بـروقً تمطـر مزونهـا

:)


الله الله .. صح لسانك ولسان نايف

واصلوا

..

أنت شاعر وكبتن واخذلك وسام=مار خل القدم تمشي على هونها

ياهل السيل جعل اجدودكم لرحام=بعض الاسماء عتيبه مايسمونها

...
.
نايف الروقي
...
صح لسانك ولا وصيك فالكبتن ...
وتراني في صفك
...

..
كبتن عتيبه مافيك حيله وهذا الصدق :)
....

مرزوق العتيبي

شكرأً على مرورك وصح بدنك

تحيـــــــــــــ ــتي ــــــــــــــا

خرجت للظرف طاري وتو جيت(المعذره)


انقل البندقيه واحتزم بالحزام=واعلم ان الليال تعد طبلونها
طلعة النور يارجال تجلا الظلام=وأهل السيل اهل طاله تعرفونها

يابعيد الهقاوي مايجيك الملأم=سرها والعلوم يبين مضمونها

مانذم الرجال الطيبين الحشام=مار بعض السوالف كيف ترضونها

الله الله


الذهب طال عمرك ينحسب بالجرام=ماهو بضاعةً في جوف كرتونها
ياهل واد النجيل الطير رفرف وحام=مير هذي علينا لاتعيدونها

الذهب غالي الاسعار في كل عام=مار باق البضايع يختلف لونها

مانبا الا الحلال ولا ندور حرام=وابشرو بالعلوم اللي تمنونها

ودّي الطيب يارجال مسك الختام=مانبى نبحث الدنيا ومكنونها
كثرة الطق يانايف تفك اللحام=والسيوف الصقيله لا تطقونها

راعي الطيب يلقا العز والا حترام=مانعقد الحبال ولا تعقدونها

وش نبا من سيوفً ماتقص العضام=مار بعض السوالف لا تطرونها

الله الله


واصلووووووووو



الابداع




ياشعاااااااار


اخوكم