الطاارف يرحب

بدون مقدمات الطارف سديد


لا احدن يسوق الشره ياربعي عتيبه=كلن على طبعه اللي ورث جدانه
يوم ان ربي عطانا عزه وهيبه=جتهم نفوس الردا والغدر ملياانه

صح لسانك ياطلال
وننتظر الشاعر المقابل

وصح لسانه

صح بدنك طال عمرك ..

وحي والله هالراس ..





مير تعال : بــ غض النظر عن الطااروق ..


انت وين انت ؟؟ مبطين عنك يا استاااذ الكل :)

انا موجود ولكن
فك مجالك يامال الشحم

بدون مقدمات الطارف سديد


لا احدن يسوق الشره ياربعي عتيبه=كلن على طبعه اللي ورث جدانه
يوم ان ربي عطانا عزه وهيبه=جتهم نفوس الردا والغدر ملياانه

الله الله

يا سلاام

طلال الثبيتي صح لسانك واعتلى شانك

بدعة كايفه ومرستكه

متابع

تفضل يالثبيتي



بعض العرب مايشوف الشق في جيبه=عينه عن عيوب نفسه تقل عميانه
الطيب اللي يطيب اجزه على طيبه = والا الردي اتركه وش شانك وشانه

البواردي ياهلا وغلا ..


وصح بدنك .. ولاهنت على المرور المرستك ..

رفيع المنزل ..


وبماا انك ضيف جديد ارحب ثم ارحب ثم ارحب ..


واستلم طال عمرك ..



الرجل ماتلحقه شكه ولا ريبه=موفي حقوقه وكلآ عارفآ شآنه
لا شفت خبلآ يخم العلم ويخيبه=بأسنعه لين حتى يحفظ لسانه

عزالله انك تود العلم وتجيبه = لكن ترى الناس ماهي فيك بلشانه
لاصرت رجال مايرمي مشاعيبه = لابد يوم تجيك الناس ظميانه

استلم طال عمرك ..


عز الله انك تزل العلم وتصيبه=عجزت اصنفك من خانه ليا خانه
اللي يجينا نكسر له مخاليبه=وتجيه صفقه توقع بين حجانه

وصح لسااانك طال عمرك .. والله ماادري انا اكمل والا يغطني النوم بكره سبت ودوامات .. ابيض وجه يارفيع

طلال الثبيتي + رفيع المنزل ---- صحت السنتكم وبيض الله وجهيكم

المعذره عن التاخير لاني لست في المنزل لكن استلم


يامدور الشر والله غير تحري به = لاشك لو طعتني صكيت بيبانه
حنا نرد المعادي دايم بخيبه = من يمنا يرتبك لايرفع اعيانه