وين الشعار

سلام تسليمة من شاعر بادي= في منتدى اهل الوفاء والطيب والكادي
وانا سبيعي واشب النار وقادي= الله يحفظ الوطن ويعز الاسلامي




الليل ياشعار تو الليل= والملعبة تبغا شواعرها
نبغا المعاني مثل وزن الكيل= الي يوردها يصدرها

يامرحبا ياهلا مليووون يامسلّم = من شاعرٍ يحكم المعنى ومتعلّم

وانكان نورك بدا فالكون ماظلّم = الله يحفظ الوطن ويعز الاسلامي



الليل صب الهيل لاهل الهيل = قم زيّن الدله وبهرّهـــا


نبغى المعاني مثل نجم سهيل = وانتم معانيكم نقدرها

يامرحبا من ضميرن هاض خافوقة= يلعب على كل بحر ويازن طروقة
وسهيل بادي لاكن النجم من فوقة= الله يحفظ الوطن ويعز الاسلامي



ياشاعر المعنى خذاك السيل=ان كان نفسك ماتسايرها
الملعبة مابين حط وشيل=حنا لها ماضي وحاضرها

ياراعي النجم نجمك ويش سميته = يالشاعراللي حكيم وحاكم بيته

دام القمر والجدي وسهيل كبيته = الله يحفظ الوطن ويعز الاسلامي

اعطيتك الموجز مع التفصيل = نبغى الثمينه وانت خابرها


والياركبنا في ظهور الخيل= النار نطفيها ونسعرها