الي في خاطره طاروق

صباح الخير ,, طاروق خفيف كلن حسب وقته الدعوه سهاله



ياسلامي سلام المسلمين = عدٌ مارفرفت جنحانها
المعاني تبا واحد ذهين = شجرة ٍ تلتوي بغصانها

مرحبا يا مسلم با اليمين=طبت االخيل في ميدانها
المعاني على الضلع الزبين=عطني من العلوم اسمانها

..
.
المعاني على الضلع الزبين
عطني من العلوم اسمانهـا

..

الله الله .... صحت الالسن ... وعشتوا ياشعار ...
متابعين وماسك الصفين ..

البقى يالمرٌحب باليدين = الفرس ماتقود حصانها
السمينه تقدم للسمين = والهزيله تحت دمٌانها

مرزوق حمدان العتيبي

صح بدنك متابعتك شرف طال عمرك

للمواقف تراتا حا ضرين=ماسكين الفرس بعنانها
تحت رايك يا بو قلب فطين=البيوت اشرعة بيبانها

الأخ مرزوق حمدان العتيبي
صح الله بدنك وشرفتنا بحضورك.

النوايا على تقوى ودين = مادخل بيننا شيطانها
شرعة للرجال الغانمين = بالمكاسب تحوش ايمانها

الأ خ عبدالله حبيب
انا خارج لظروره وراجع انا كان لقيتك كملنا الليله هذا الطاروق الجميل
ولا ليله ثانيه.

عادي يابو بندر على راحتك الدعوه سهاله وكلن حسب ظروفه

لاهنت يالغالي

راعي الكاش ما يشري بدين=والتجاره لها عمانها
لو قسى الوقت لا بده يلين=عان لايام قدمك عانها

ماتباع الرخيصه بالثمين = كل سلعه لها دكانها
لو قسى الوقت حنا صابرين = ماتطيح العزوم وزانها

ونعم با الرجال الغانمين=ربعنا اللي طوال ايمانها
يا سباع وسود في عرين=العدا ما تصل حدانها

ماعلاكم قصور وطيبين = ربعنا الي نعرف اوزانها
ان غزيتوا سوات الفاتحين = ترجف الارض من فرسانها

ابو بندر القاف اخذ حقه وصح لساانك تشرف باللعب معاك والمعذره على القصور يالغالي

هههههههههههههههههههههههه
هذا والله المحراف الطيب عز الله ماقد شفت مثله
لااقولها مجامله او رياء انما بما حكمة به العين

صحت السنتكمـــ......

هههههههههههههههههههههههه
هذا والله المحراف الطيب عز الله ماقد شفت مثله
لااقولها مجامله او رياء انما بما حكمة به العين

صحت السنتكمـــ......


صح بدنك هذا من طيبك لاعدمناك