الأوادم ................والأخوه...............جديد

هذه قصيده جديده لي اتمنى ان تحوز على رضاكم واستحسانكم وترقى بمسامعكم




ياهجوس الشعر مدري ياعفاريته وجنه=انكشف طبع الآوادم وانتهى معنى الأخوه
الآوادم نصفهم مثل المجنن في مجنه=مايعرف العلم لو أنك على راسه تنوه
ولايدل الدرب لو تقول هييييه (الدرب منه)=ولايفكر فالزمان الي غدا نصفه مشوه
ضيعوا سلم الجدود وكل واحد خان فنه=واليهود استهدفوهم والعرب ماعد تفوه
نصف سكان الجزيره ماعرف هيله وبنه=ولايعرفون الخيال الي ضهر فالجو نوه
حالهم مزري وكلن في طريقه حسب ضنه=والمصيبه فالزمن ماعندهم صبر ومروه
يحسبون المرجله مضهر وشكل وزود حنه=بس دق الغتره البسام والمرزام سوه
وامسك سلاحك وطب السوق وأرم الي يجنه=وان رميت وصبت وقتك يالهواوي زان جوه
مادروا بن المراجل خيل ماكلن يعنه=مايعنه كود رجالن معه مبدا وقوه
والصداقه في زمنا مثل شي(ن) طاح طنه=مايفيد ولايزيد وكل يوم يجيه بوه
اكثر الاصحاب مايوفي معك بالطيب لنه=مايعرف الطيب والنخوه ولاعنده حموه
واغلب الاصحاب يمشي بين حسد وبين منه=نيته شينه وهو يمشي معك في علم توه
حالتن يرثالها والقلب فيه اليوم ونه=والزمن ماهو زماني والفرح مابان ضوه
والصحيب الوافي الصافي غدا همه يكنه=راح مدري مات مدري ضاع فالوقت بهدوه
يامداغيش النشاما مايرد العلم عنه=من يقول ابشر عطيته كل شي(ن) به تفوه

شعر...ابراهيم الزراقي.

صح لســـــــــــــانك

ولاهنت يالغالي

..

الله الله

صح لساانك يا ابراهيم على هالقصيده الرائعه والجزله ..

وفي انتظار جديدك ..

:)

أخوك

ابراهيم
قصيده تحتوي على تجارب جميله
الف شكر لك على هذه الجزله

ننتظر المزيد يالرائع

محبك

,

صح لسانك يا ابراهيم قصيده رائعه جدا وننتظر جديدك

روق والسماء فوق شكرا على مرورك وصح بدنك

ابو نجر النفيعي صح بدنك وتسلم على المرور العطر ولاخلا ولاعدم

عبدالله الجذع مرورك مميز وصح بدنك
ودائماً معودني على الرد الوافي

صح لسانك

على القصيده الرائعه جداً

بيض الله وجهك

والله يعطيك العافية

صح لساانك يا ابراهيم على هالقصيده الرائعه والجزله

بيض الله وجهك

؛؛؛السلام عليكم ورحمة الله وبركاتة؛؛؛
صح لسانك اخوي ــــ( إبراهيم الزراقي )ـــ على هالقصيدة الرائعة جداً
وأتمنى لك دوااام التوفيق
تقبل مروري
والسلاااااااااااام ختااااااااااام

الله الله الله.


ابداع يابراهيم.

صح لسانك ملايين.

ابن العم ابراهيم الزراقي


لله درك ..ما اروعك ..وما اروع مانثرت هنا



ما اقول الا مبدع يا مبدع

صح لسانك يا ابراهيم قصيده رائعه جدا وننتظر جديدك

ابو فايح الف شكر لك على مرورك وردك الجميل وصح بدنك

ابراهيم الزراقي

قلم مميز يستحق المتاااااابعه


شكرا لك على كل ماتقدم


وصح لساااااااااانك

يامداغيـش النشامـا مايـرد العلـم عـنـه=
من يقول ابشر عطيته كل شي(ن) به تفـوه




ياشغاميم النشاما من يـرد العلـم عـنـه=من يقول ابشر عطيته كل شي(ن) به تفـوه



مبدع بارك الله فيك

الله يعطيكم العافيه على المرور كلكم وحياك ياولد عمي الحنتوشي