سعود البرقاوي تعال تقهو
متابع جيد19-Nov-2009, 11:49 PM
شفت فالخط السريع الموتر المتعطل=قلت منهو ! قالو سعود النفاعي قالب
حده النشمي وعانه له شهر منتعنقل=يسحبه صاهود ! وعقاب يحفر ويطالب
صاهود19-Nov-2009, 11:52 PM
صح السانك يامتابع جيد
وصح السان ابوفهد مقدما
برقاوي البرقاوي19-Nov-2009, 11:53 PM
ههههههههههههههههههههههههه
سعود البرقاوي19-Nov-2009, 11:54 PM
هههههههههههههههه ياساتر ياساتر
متابع جيد19-Nov-2009, 11:57 PM
حيا الرجال كل باسمه يامرحبا ومسهلا
سعود البرقاوي20-Nov-2009, 12:13 AM
دوب صدّقت اللي يقول آخر الليل تجيك الدواهي
حوالينا ولاعلينا
انت ياللي في ذرى ظلع السراة تطبل =مارس هواياتك اللي تعجبك في الغالب
اعتدل وان كان منت بطرقتك متعدل = مالك الا من يحط الموجب مع السالب
ماجد السميري20-Nov-2009, 12:17 AM
هذا والله الليل
سعود بشر عساك سالم
متابع جيد وسعود البرقاوي
صحت السنتكم
وبيض الله وجيهكم
سعود البرقاوي20-Nov-2009, 12:19 AM
مشاري الشيباني20-Nov-2009, 12:23 AM
اعتدل وان كان منت بطرقتك متعـدل
مالك الا من يحط الموجب مع السالب
هههههههههههههههههههههههههههههههه
صح لسانك ياسعود
هذا والله العلم
يلزم تواجد الدفاع المدني تحسباً لما سيحصل من احداث
متابع جيد20-Nov-2009, 12:24 AM
مايذرينا الحصا الي طبع قرده يجفل=مجتمع ناسه وحيوانه سوا في قالب
لاتحداك اجنبي قامت هدومك ترطل=وان وقف قدمك عتيبي كنك ابو طالب
سعود البرقاوي20-Nov-2009, 12:25 AM
هههههههههههههه ولاتنسى الهلال الاحمر ياشبل الهيلا
خل الفرقة جاهزة بس
متابع جيد20-Nov-2009, 12:33 AM
ارحبو يارجال ولا فيه الا العوافي لاترتاعون العلوم طيبه بلحيل بلحيل
عيد بن مرضي20-Nov-2009, 12:46 AM
متابع جيد / / سعود البرقاوي
صح الله اااااااااااااالسنتكم
متاااااااااااااااااااااااااااااابعين لكم
سعود البرقاوي20-Nov-2009, 12:48 AM
ماعلى الجاهل ملامه ،، طول عمره يجهل=الجهل في مخه راسه شايفه متكالب
من يبا يوحيك قال انك بطل متبطل = وانت سلعة طارفة فالسوق عند الجالب
سعود البرقاوي20-Nov-2009, 12:52 AM
عيد بن مرضي
هلا ومرحبا وشرفتنا
متابع جيد20-Nov-2009, 01:01 AM
انت سبت علة الجسم العليل المعتل=ياحصاة فالمراره وجهها للحالب
مير لو ارفع عليك الصوت يمكن تنشل= لاتحرك لين اجيك اثبت وخلك صالب
سعود البرقاوي20-Nov-2009, 01:12 AM
لاتصلي بالجماعة كان ثوبك مسبل =كمّل شروط الصلاة الواجبه ياطالب
يتعب المرسول مدري يتعب اللي يرسل=الرسالة تغلبيه والبلا في غالب
صاهود20-Nov-2009, 01:13 AM
ماعلى الجاهل ملامه ،، طول عمره يجهل=الجهل في مخه راسه شايفه متكالب
من يبا يوحيك قال انك بطل متبطل = وانت سلعة طارفة فالسوق عند الجالب
ياسلام ياسلام
الليل الليل
وازهل الصف يابوفهد
صاهود20-Nov-2009, 01:17 AM
لاتصلي بالجماعة كان ثوبك مسبل =كمّل شروط الصلاة الواجبه ياطالب
يتعب المرسول مدري يتعب اللي يرسل=الرسالة تغلبيه والبلا في غالب
يتعب المرسول مدري يتعب اللي يرسل=الرساله تغلبيه والبلا في غالب
اثرك وكيل نيابه ياسعود ههههههههههه
صح السانك
مشاري الشيباني20-Nov-2009, 01:22 AM
لاتصلي بالجماعة كان ثوبك مسبل =كمّل شروط الصلاة الواجبه ياطالب
يتعب المرسول مدري يتعب اللي يرسل=الرسالة تغلبيه والبلا في غالب
صح لسااااااااااااااااااااااااانك
وكيل نيابة
وشاعر
ومفتي
الله لايضرك
سعود البرقاوي20-Nov-2009, 01:22 AM
اررررررررررررحب ياصاهود
وهذه الهقوة فيك في مثل هالظروف
سعود البرقاوي20-Nov-2009, 01:24 AM
صح بدنك ياشبل الهيلا
والله يرفع قدرك
كأنك رديت الروح لي
مرحبا بك مليون
متابع جيد20-Nov-2009, 01:34 AM
انت وضعك صار مزري شوف دمك ينخل=حد مخلاب الصقر بين الثنادي خالب
مابقي لسعود ضني بعدها مستقبل=ياعيال كليب شبو ناركم يااكالب
متابع جيد20-Nov-2009, 01:46 AM
الله يحييكم يارجال كلكم كل بسمه علي الحرام انكم ترفعون الراس مير الله انه يحيكم
سعود البرقاوي20-Nov-2009, 01:48 AM
اليتيم اللي عليه الباب دايم مقفل= راح مثل الناقة اللي ماحلبها الحالب
هكذا المسكين لامنه بلش ،، وش يعمل = ماتفيده فزعته والا ( اللسان الثالب )
صاهود20-Nov-2009, 01:50 AM
اليتيم اللي عليه الباب دايم مقفل= راح مثل الناقة اللي ماحلبها الحالب
هكذا المسكين لامنه بلش ،، وش يعمل = ماتفيده فزعته والا ( اللسان الثالب )
هههههههههه
ياسلام ياسلام
صح السانك ياسيف برقا
مبدع مبدع
الله لايضرك
صاهود20-Nov-2009, 01:57 AM
استفسار يابوفهد اللسان الثالب وش معناه لا تعصب علي لان في مفردات سعوديه تشكل علي
ومن غير تعصيب رجاء خاص
سعود البرقاوي20-Nov-2009, 02:01 AM
استفسار يابوفهد اللسان الثالب وش معناه لا تعصب علي لان في مفردات سعوديه تشكل علي
ومن غير تعصيب رجاء خاص
من حقك تسأل فيما تجهله ومن حقي اوضح لك
اللسان الثالب = هو الذي ينشر المذمات والنقائص وينهش بأعراض الآخرين. وواجبنا نحو
هذا الإنسان أن نقابله بوجه عابس رافض لأقواله فيخزى ويسكت فلا نشجعه
طبعاً المصدر شرح الكتاب المقدس - العهد القديم
باب امثال سليمان وتفسيرها
متابع جيد20-Nov-2009, 02:11 AM
احتفض باغلى الرسايل فالبريد المهمل=وانتبه ماضاع حق الا وراه مطالب
لو سكت وكنت عاقل لين نقصك يكمل =كان ماجندلك ابو ذرعان فوق العالب
متابع جيد20-Nov-2009, 02:17 AM
شاعرنا المبهر والبحر الزاخر والمتعب في تحديه سعود البرقاوي صح لسانك لين تقوم ناقة صالح
سامحنا على بعض الشد المراد منه الاستفاده من علم من اعلام الشعر
تقديري واحترامي لشخصك العظيم وتقديري لكل من علق من احبتنا الشعراء وتصبحون على خير
سعود البرقاوي20-Nov-2009, 02:28 AM
الحقيقة ماعرفنا منهو اللي يصمل = الغليبة واردة والفوز حظ الغالب
واحد مسلح على الجبهة يحل ويفتل= وانتم اثنى عشر ولد داخل ( كراج الدالب )
سعود البرقاوي20-Nov-2009, 02:33 AM
شاعرنا المبهر والبحر الزاخر والمتعب في تحديه سعود البرقاوي صح لسانك لين تقوم ناقة صالح
سامحنا على بعض الشد المراد منه الاستفاده من علم من اعلام الشعر
تقديري واحترامي لشخصك العظيم وتقديري لكل من علق من احبتنا الشعراء وتصبحون على خير
صح بدنك يامتابع جيد وتصبح على خير
حاكم الغنامي20-Nov-2009, 11:20 AM
الله الله
صحت السنتكم
ابداااااع لامحدود
لاهنتم
عبد الرحمن السفياني20-Nov-2009, 08:54 PM
سعود البرقاوي الشاعر الكبير من قدك يابطل واللصف مع ارحامنا ونعم الرجال وصح لسانك سعود
متابع جيد صح لسانك
مع تحيات ابو مردد السفياني
ولد منصور الابرق21-Nov-2009, 11:32 AM
لاتحداك اجنبي قامت هدومك ترطـل
وان وقف قدمك عتيبي كنك ابو طالب
ياكثررهم ياكثرهم فهالوقت لكن سعود محشوم
ابدااااع ابداااااااااع
صحت السنتكم
وبيض الله وجيهكم
سعود البرقاوي21-Nov-2009, 11:45 AM
حاكم الغنامي
صح بدنك
وهلا بالاعضاء الجدد ابو مردد والابرق
مايحتاج القلوب شواهد
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
