قالوا تمنى

بسم الله الرحمن الرحيم


هذه قصيدة بعنوان قالوا تمنى



قالوا تمنى


قالوا تمنى و المناوي ثمانين = الله يحقق لك جميع المناوي

ما بين عسر الوقت ساعات و اللين = ياكم يجي في الوقت بأرق و ناوي

و امنايتي فالوقت يا خوي ثنتين = صبر و عفو مابين قايل و راوي

و امنايتي نثبت على الشرع و الدين = و تفوز بالفردوس يا أهل العزاوي

و امنايتي خوة رجال(ن) كريمين = تنفق بلا منه و لو كان طاوي

و امنايتي نكرم جميع المساكين = ما تسأل العربان و الجو كاوي

و امنايتي ستر و عوافي و تمكين = و نارد على عد(ن) قراح(ن) رهاوي

و امنايتي تحرير أراضي فلسطين = و تعود حره بعد كثر البلاوي

و امنايتي دله و تمر و مزايين = يم التهم و الا بضلع النزاوي

و امنايتي جيب(ن) على اللوح رقمين = تبعد عن القلب العنا و الشقاوي

و امنايتي برّ و صلة للقريبين = و نعفي عن الزلة و لابه دعاوي

و امنايتي ثلاثة أحرف و حرفين = الله يحققها و للخير ناوي

و امنايتي ترجع جميع الموازين = بالحق و المعروف و الا النداوي

و امنايتي للجود يوضع براهين = تبين الرجل الكريم السخاوي

و امنايتي نقرأ الكتب و الدواوين = و نفطن لبن عميرةٍ و الخلاوي

و امنايتي نمسي و نصبح وفيين = لان الوفا مذكور ضمن الفتاوي

و امنايتي نقضي على الهم و الدين = هم و مذلة وش بعدها يساوي

و امنايتي يشفى جميع المريضين = جرح(ن) يطيب و جرح ماله مداوي

ياكم مريض يصيح و الدمع في العين = ما فاد به كثر السعي و الخطاوي

صبر على الأيام عام(ن) و عامين = هاوي رضى المعبود ماهو بهاوي



قالوا تمناااا فهدالنفيعي.mp3 - 3.5 Mb (http://arabsh.com/z6ewh3l379xm.html)


بقلمي و صوتي / فهد رحيم النفيعي

..

.
انت مبدع يافهد
لله درك ... اعجابي الشديد بكل ماتقدم
....

صح لسانك
شاعر جزل يابو رحيم والله لايهينك على هالقصيده

مروري وتقبل

صح لساانك والله يبيض وجهك

صح لساااااااااااااااااااااااااااااانك
تقبل مروري

صحت ابدان الجميع

يعطيكم العاافيه

صح السانك شاعر جزل


تحياتي لك

هلا وغلا اخوي تسلم بارك الله فيك

ماشالله عليك ماتمنيت شيء لنفسك فقط ، الله يسمع منك وجزاك الله خير وصح لسانك

صح لسانك

مبدع

صح لسانك يامبدع

والله يعطيك ماتمناه يالنفيعي

تحياااااااااااااااااااتي تقبلها

(ماعاد الا اقول زييييييييييين)

ههههههههههههههاي

هلا وغلا بالجميع


وتسلموووووووون



إحترامي لكم