خاص لكل من قال اناشاعر !!
فهد بن عبدالله08-Nov-2011, 06:45 AM
طبعاً فكرة الموضوع قصيدة غزلية كاملة تكون من نسج وابداعات شعراء المنتدى
يعني ببساطة كل شاعر يجي ويكمل ببيت او بيتين فقط على نفس الوزن والقافية
وتصير قصيدة كاملة تنشر فيما بعد بأسم شعراء المنتدى
طبعاً من دون توصية لكن البيت لازم يكون في نفس فكرة البيت الي قبله
ويكون سليم من ناحية الوزن
وانا راح ابدى من دون قصور في جميع الشعراء والاساتذة الموجودين
طبعاً الغرض الغزل لأن القلوب خضر هالأيام : d
فهد بن عبدالله08-Nov-2011, 06:46 AM
نمشي دروب الهوى والعين نسهرها وقلوبنا مـن عنـا الأيـام مليانـه
واللي كتبت القوافي لاجل خاطرهـا الشعر فيها يليق وتظبـط اوزانـه
سعد بن مطلق المقاطي08-Nov-2011, 08:47 AM
اللي هزمها الزمن وشلون ينصرها=ويحطها يافهد في حكم سطانه
فهد بن عبدالله08-Nov-2011, 02:58 PM
فيها القصايد تجي من دون لاجبرها
ويفداه شاعرها / واوزانه / وقيفانه
ودام المشاعر تفيض بقلب شاعرها
والله لتبشر بشعر ٍعذبـه الحانـه
صح لسانك يابن مطلق
محمد الذيابـــي08-Nov-2011, 05:04 PM
اللي نصرها الزمن ماني بخابرها=ليش ارجي الليل دام العين سهرانه
فهد بن عبدالله10-Nov-2011, 10:39 AM
ودام المشاعر تفيض بقلب شاعره
اوالله لتبشر بشعـر ٍعذبـه الحانـه
ودي بشوف العيون الـي اقدرهـا
تسعد خفوقي وهو في قمة احزانـه
خليل هليل الشيباني10-Nov-2011, 11:04 AM
النفس وقت الشقاء والضيم قاهرها
لوهي وراء شوفة المزيون شفقانه
لو اتصاغر علومه واتكابرها
مهيب تنفع علومن مالها خانه
خليل هليل الشيباني10-Nov-2011, 11:14 AM
بيبان بيت الخزن لازم نسكرها
يهيب يالعنبوا بيته وبيبانه
عبدالله جبارالعتيبي10-Nov-2011, 12:51 PM
إلياذكرت المُحيامع نواظرها
أجر لحني على موال دن دانه
عبدالله سعيد الجعيد10-Nov-2011, 04:50 PM
أعيد ذكراه بالساعة وأكررها=يوم إن ماطاعني قلبي بنسيانه
قربه بداية حياة وبعده آخرها=أنا أشهد إنه صحاة القلب وجنانه
فهد بن عبدالله11-Nov-2011, 12:15 PM
وتشفي ضلوعاً حنين البعد دامرهـا
وترتاح عيناً من اللوعات سهرانـه
كل القصايد غلا جاتـك تسامرهـا
حباً ويصعب على هالروح نسيانـه
صحة ابدانكم يالشعراء.
سعد بن مطلق المقاطي
محمد الذيابي
عبدالله سعيد الجعيد
خليل هليل الشيباني
عبدالله حبار العتيبي
نكتفي بهذي الابيات الجميله
