ياسلام الله عليكم

ياسلام الله على سلطان من بد القبيله=يوم نادى واحتزم للضيف والبيرق سعودي
وين سيفك يالعتيبي ماتسمعنا صليله=رحلتك بين الشتا والصيف والبيرق سعودي

صح لسانك يابو عبدالرحمن
واستلم


مرحبابك عد براق من المشرق نخيله= فاض سيله مع جنوب السيف والبيرق سعودي
والله اني فارس البيدا ومعشوق الاصيله=وانت سارق سمع ومليقيف والبيرق سعودي

صح بدنك والمتابعين


ودي اتهرج واشب النار في راس الفتيله=مير صدرك ضايق وقصيف والبيرق سعودي
خل كل الهرج في صدرك ودورلي قليله=ياعميلن مامداه ضعيف والبيرق سعودي

انكشف زاد اليتيم اللي من اول في صميله=بعد ماحرج عليك حنيف والبيرق سعودي
من يدور علم يلقا له علوم تستويله=اظهرت سكينها ام ضليف والبيرق سعودي

وش معك فاللي تعزوا في منيف وفالجليله=وابن عمه محتزم بالسيف والبيرق سعودي
مايعرف اللي يرد الجيش ويذري دخيله=مادرى اني من عيال منيف والبيرق سعودي

مايعاف الصاحب اصحيبه ويبحث عن بديله=كود لاشبو عليه الليف والبيرق سعودي
سوق معدالك وقدمني وتبشر بالصميله=مانبي نمشي ورى التزييف والبيرق سعودي

صح لسانك ابو عبدالرحمن وياليت الشعار يقيمون محاورات فيما بينهم
لعل شعار المحاورات يرجعون لمنتداهم
والله شي مؤسف يتركون المنتدى ويذهبون لقروب الصداقه في مواقع التواصل يتحاورون فيه