اقرب يا ماجدونا
السيل28-Aug-2005, 12:02 AM
ياصحابنا وقت الطلب تاجدونا
وشعارنا فالمنتدى واجـــدونا
لكن نادوا صاحبي ماجـــدونا
يالله على بابك يافتاح الأبـــــــــــــــــواب
فالبدايه نعتذر منّك ياشاعر هذيل=والنهايه يعلم الله عن ميعادها
والسبب كله حرامي سرق عابر سبيل=في ديارن من سكنها شرد ماعادها
مرزوق حمدان العتيبي28-Aug-2005, 12:10 AM
ياصحابنا وقت الطلب تاجدونا
وشعارنا فالمنتدى واجـــدونا
لكن نادوا صاحبي ماجـــدونا
يالله على بابك يافتاح الأبـــــــــــــــــواب
فالبدايه نعتذر منّك ياشاعر هذيل=والنهايه يعلم الله عن ميعادها
والسبب كله حرامي سرق عابر سبيل=في ديارن من سكنها شرد ماعادها
الله الله
صح لسانك يالسيل........ ونحن في انتظار ماجدونا :)
الــوآفــي28-Aug-2005, 02:21 AM
الله الله
سيل يالسيل
شاعر كبير وانا اللي اعرفه :)
ننتظر شاعرنا الكبير الاخر ماجد الهذلي
لنجد محاوره منقطعة النظير
متابعينكم الله لا يهينكم
اخوكم ذيبان
فراج القرقاح28-Aug-2005, 02:53 AM
..............
ياسلااااااااااام يالسيل من طول الغيبات ....
الله يحيك وفي انتظار ماجد .... وفي انتظار محاوره جماهيريه ....
واصلوووووووووا ومتابع .....
الفراهيدي28-Aug-2005, 03:19 AM
صح لسانك يالسيل
وفي أنتظار ماجد الهذلي
طويل الذراع28-Aug-2005, 03:37 AM
فيصل المسعودي28-Aug-2005, 03:39 AM
الابداااع راح يتوووووواااااصل
بحضوووور السيل
وحضور ماجدونا
صح لسانك السيل وفي انتظار المبدع دائما الاخ ماجد الهدلي
وووواااااااااصلووووووووووااااااا
متاااااااااااااااااااااااابعين
لكم
تحياااااااااااااااااااااتي
ماجد الهذلي28-Aug-2005, 11:57 AM
يا صاحبي وقت الطلب علم ثابت
والشعر روّح عند حسان ثابت
قوم ٍ تثيب الأجر بالأجر ثابت
يا الله على بابك يا فتاح الأبواب
ما حصل يا صاحبي لا كثير ولا قليل= والنهايه محكمين الرجال إعدادها
كم نفس ٍ ساقها الساق للطرف الكحيل = وأبتلت فالديره اللي تغــّـير زادها
ماجد الهذلي28-Aug-2005, 12:09 PM
مرزوق العتيبي
ذيبان
الداهيه
الفراهيديفيصل المسعودي
الشكر للجميع أنتم ضياء ونور الملعبة
وبوجودكم نعتز ونتألق
تحياااتي للجميع وخاصه اللي مبسوطين من أسم ماجدونا
جاتني عروض بعد الأسم هذا في الأرجنتين
مرزوق حمدان العتيبي28-Aug-2005, 05:08 PM
يا صاحبي وقت الطلب علم ثابت
والشعر روّح عند حسان ثابت
قوم ٍ تثيب الأجر بالأجر ثابت
يا الله على بابك يا فتاح الأبواب
ما حصل يا صاحبي لا كثير ولا قليل= والنهايه محكمين الرجال إعدادها
كم نفس ٍ ساقها الساق للطرف الكحيل = وأبتلت فالديره اللي تغــّـير زادها
ياسلام على الشقر والشعر... لاهنت ياماجد...
ابن شلواح28-Aug-2005, 07:04 PM
ياسلااااااااااااام ياسلااااااااااااااام
أنا متابع وبقوه صحة ألسنتكم ياشعااار ودنا تخلونها كلهاااا شقر أناااا من هواة الشقر
تحيااااااااااااااااااتي
أخوكم ابن شلواح
فيصل المسعودي28-Aug-2005, 09:19 PM
يسلاااااااااام سلم
وواصلوا
لكم مني اعطر التحايا وازكاها
سلوبودان28-Aug-2005, 11:32 PM
الله الله
سلوبودان يقول
متااااااااابع
وانا في صف السيل عشان توقيعة
ولاهنت يا ماجدونا
السيل29-Aug-2005, 12:04 AM
حنا نبى نبشرك وأنته تباشر
أنته تريد الخير ولا تباشر
لكن باشر فالمهمات باشر
يالله على بابك يافتّاح الابواب
انت جتك القنبله من وراء الضلع الطويل=واتهمت ابها رجالً بعيدً مادها
كم وردنا فوق عدً قراحً سلسبيل=وأهل مكه يعرف بيارها ورّادها
الــوآفــي29-Aug-2005, 01:03 AM
واهل مكه يعرف بيارها ورادها
صحت السنتكم
استمروا عشان نستمتع :)
((الدلبحي))29-Aug-2005, 03:11 AM
تسلمون يالربع
تحيااااااااااااااااااااتي
ماجد الهذلي29-Aug-2005, 03:18 AM
وإن كان جبت الخير فالخير سهلا
إن كان جبت الشر أهلا ّ وسهلا
واللي يعرف الضلع ما قال سهلا
يالله على بابك يا فتـّاح الأبواب
إتهامي في محله وأنا عندي دليل = والأحاديث الجليله نعرف إسنادها
من ورد يم الحرم عاش فــ الظل الظليل = لا تجي في ديرة الغرب يشرب كادها
فراج القرقاح29-Aug-2005, 03:32 AM
وإن كان جبت الخير فالخير سهلا
إن كان جبت الشر أهلا ّ وسهلا
واللي يعرف الضلع ما قال سهلا
يالله على بابك يا فتـّاح الأبواب
إتهامي في محله وأنا عندي دليل = والأحاديث الجليله نعرف إسنادها
من ورد يم الحرم عاش فــ الظل الظليل = لا تجي في ديرة الغرب يشرب كادها
ياسلااااااااااااااام سلّم .... واصلوووووووووووا متاااااااابع يامال العافيه ....
وازهل الصفوووووووف ياماجد .........
|165||165||165||165||165||165|
الايداء129-Aug-2005, 04:52 AM
الله
الله
الله
ياالشعار كبار
متابعينكــــــــــــــــــــــــم
ياماجد أنا بصفك
الداهيه خصمي بالغرفه الثانيه
ولاني مشجعه .
السيل29-Aug-2005, 02:07 PM
مرزوق العتيبي
فيصل المسعودي
الفراهيدي
ذيبان
الأيداء
الداهيه
ابن شلواح
طويل الذراع
الدلبحي
سلوبدان
حضوركم نور المحاوره
حياكم الله
السيل29-Aug-2005, 02:13 PM
الليل ...ياماجدونا
السيل اله في كل ديره مسايل
واليا جرحك تحصل الدم سايل
ماودّنا نعقّد عليك المسايل
يالله على بابك يافتّاح الأبواب
يالهذيلي شالك السيل من بطن المسيل=من مزونً فالسماء يفجعك رعادها
ماعرفك الليل والخيل والسيف الصقيل=تعرفك ضلعانك اللي نعرف بلادها
ماجد الهذلي29-Aug-2005, 02:55 PM
السيل من راس الجبل جاك نازل
ما عاد يبقي يالمسولف منازل
مقرون بك حجاج قرن المنازل
يالله على بابك يا فتـّـاح الأبواب
يالثبيتي خيمتك تحتها الماطر يسيل = والحديده تحتمي لا حضر حدادها
فالمعارك يالثبيتي صنعنا المستحيل = عينك اللي شافت الموت ..منهو قادها
السيل30-Aug-2005, 12:34 AM
يبى يموج البحر فوق السواحل
والحل مابه يالهذيلي سوى حل
امّا البحر ولاّ سحلتك السواحل
يالله على بابك يافتّاح الأبواب
انت لا اروحت الك ريحة لحم مالك مثيل=مير مالك عندنا صيدة ً تصدادها
لاتعرّض للمدافع ياراع ام الفتيل=روح عوشر مع خناذف بوقت أعيادها
ماجد الهذلي30-Aug-2005, 03:23 AM
فالبحر حوت ٍ يفجع اللي يجي له
وإليا حجيتوا قلت ما ينحجيله
كل ٍ مع الأيام معجبه جيله
يالله على بابك يا فتاح الأبواب
كان وقتك مال لا بد فأيامك تميل = والعلوم الخافيه كاشفين أرصادها
صابك الرماي وأنته من الرامي عليل=والمعاني روّحت وأفتهم نقادها
الفهــــــــــد30-Aug-2005, 03:38 AM
صح لسان الشاعريين
وفيانتضار المزيــــــــد
واصلووووو
السيل30-Aug-2005, 03:45 AM
اثر الهذيلي يفجعه فالبحر حوت
جايك من اعلى الضلع والضلع منحوت
قلت انت وشبك؟ قال ابه حوت ساحوت
يالله على بابك يافتّاح الابواب
يابني مسعود ضيعتوا كتاب الخليل=مابقي غير المطيه يطيح شدادها
الزمان يدور وان راح جيل يجيك جيل=ياعسى الحيين تحفظ تراث اجدادها
فراج القرقاح30-Aug-2005, 03:51 AM
..........
ياسلااااااااااام ... ولازلت متااااابع ....
واصلووووا لاهنتوا ...
الفراهيدي30-Aug-2005, 03:57 AM
الله الله
من أجمل المحاورات الله يزيدكم
السيل30-Aug-2005, 04:03 AM
الفهد
الداهيه
الفراهيدي
لاهنتوا على المتابعه
يالغانمين
ماجد الهذلي30-Aug-2005, 04:34 AM
إليا ذبحك الجوع نسمنك من جوع
ياللي تقول العلم فاجع ومفجوع
الموت قدامك ولا حولك رجوع
يالله على بابك يا فتـّـاح الأبواب
أنت تمشي في طريقك ولا عندك دليل = والإدله عندنا والسلف ما رادها
ما يضع العرف والمعرفة تلقى وكيل = وإن نسيتوا ما نسينا .. السنه وجمادها
ماجد الهذلي30-Aug-2005, 04:38 AM
الـــــــــــفــــــهـــــــد
الـــداهـــــــــــيــــــه
الـــفــراهـــــيــــدي
منــــــوريـــــــن المــحــاورة ومــــشرفـــــيـــنـــــها
الله يحييكم على هذا التواجد ويقويكم
تحياااااتي
الفهــــــــــد30-Aug-2005, 11:41 AM
صح الســان الجميـــــــــــــــــــــع
السيل30-Aug-2005, 09:04 PM
مابه عتيبي من هذيلي طلب زاد
والعلم يالهذلا ن ماعاد ينزاد
من يعرف الحمراء مايجهل شهر زاد
يالله على بابك يافتّاح الأبواب
ياهذيل اصحابنا وين ضباط الفصيل=السريه من هو اللي يحفظ أفرادها
ودّنا نجاملك لأنَّك من أصحاب الجميل=والسنه هجريها غير عن ميلادها
الفراهيدي31-Aug-2005, 03:29 AM
ياسلام ياسلام
صح لسانك يالسيل
وصح لسانك ياماجد
ماجد الهذلي31-Aug-2005, 09:58 AM
أبخير وألا أنته معك نقص صحه
لكن صح النوم يالشيخ صحه
هذا الصحيح وكل واحد يصحه
يالله علـى بابـك يافتّـاح الأبـواب
وف كيلك دام تبغى تكيل وتسكيل = مفردات من العدد لا تضيع أعدادها
حملتك بصلابها وأنت ما تقدر تشيل = روح يم أثبيت بالصوت صيح ونادها
السيل31-Aug-2005, 07:18 PM
حنا نقص الدرب ياصحا بنا قص
وفي صحتي ياهيه ماني بناقص
ولا تشبك الموجب ياماجد بناقص
يالله على بابك يافتّاح الأبواب
صاحبك ضد العدو صاحبك زبن الدخيل=جاك حلال المحابيل ياعقادها
كل ماضاع بعير الك قلت من عين شعيل=واتهمت الناس واذيت حتى أحفادها
السيل31-Aug-2005, 07:24 PM
الفراهيدي
لك شهر بتنشئ توقيعك
بعدين تراك ازعجت الجيران
|165|
متى على خير الأفتتاح
فيصل المسعودي01-Sep-2005, 01:37 AM
يعين يعين
سلااااامي على الابداااااااع
السيل وماجد
احلى تحيه مني لكم
تحياتي
ماجد الهذلي01-Sep-2005, 02:58 AM
الموجب اللي يحتريك أنت وا جب
وإن حل وقت الجد في كل واجب
هذا على ما قيل درب التواجب
يالله على بابك يافتّـاح الأبـواب
الشقا ضد السعاده وإله درب ٍ طويل = والعلوم الطيبه قايمه بأعمادها
شد حيلك شايبك فاللقى مشدود حيل = روح أبو زيد الهلالي يجي نشّادها
ماجد الهذلي01-Sep-2005, 03:00 AM
الفهد وفيصل المسعودي
حياكم الله منورين المحاوره يالربع
يالفراهيد الله يعينك على هذا التوقيع
اللي له شهر تحت الإنشاء إذا تبا مساعده أبشر
تحياااااتي لك
الايداء101-Sep-2005, 03:48 PM
الله
الله
على هذا الأبداع يالشعار
أنا أنشغلت عنكم في منتدى ثاني
أتابع حرامي الشعر يسرق من المنتديات ويلعب معنا
واللي يبيني أعلمه يرسل لي خاص والدليل موجود
ابوخطاف01-Sep-2005, 06:16 PM
|3|بيض الله وجهك يا السيل انت وماجد الهذلي على هذا الابداع هذي المحاوره ولا بلاش
السيل01-Sep-2005, 06:47 PM
نبى نسولف معك من طيب خاطر
ماودّنا نرميك جوف المخاطر
ياضيف ياللي جيت لافي وخاطر
يالله على بابك يافتّاح الأبواب
انت ياماجد ترى واردات اخر مديل=والمواتر صا ر سردادها مردادها
والهنوف اللي على كتفها تقض الجديل=اتركوها يالخناذف تعرف أسيادها
السيل01-Sep-2005, 06:48 PM
فراج القرقاح01-Sep-2005, 07:24 PM
......
ياسلااااااااااام عليكم يالربع لاهنتوا على الابداع ...
واصلووووا ...
ماجد الهذلي02-Sep-2005, 05:48 PM
كل ٍ من الدنيا يحصل نصيبه
ترى الهدف ياللي رميته نصيبه
السيل ينصى مير ما ينــّـصيبه
يالله على بابك يافتّـاح الأبـواب
قلتها من غل يالسيل والمولى وكيل = والجبال الراسيه راسيه بأوتادها
الهنونف مكحله طرفها طرف ٍ كحيل = مثل دله ما تجي غير مع برادها
ماجد الهذلي02-Sep-2005, 05:52 PM
الإيداء
أبو خطاف
الداااهيه
يا هلا ويا مسهلا منوووورين يالربع
المحاوره بوجودكم تكتمل وبنوركم تتواصل
تحياااااااتي
ابورينا04-Sep-2005, 01:14 PM
|165||165||165||165||165||165||165||165|
ياسلام ياماجدونا ولااروع الله يعطيك العافية ياشاعر هذيل وانامعك ياجاري والصف شاد حيله
ماجد الهذلي04-Sep-2005, 07:57 PM
هلا فيك يا ابو رينا
أشكرك على هذا الإطراء بس (( شاعر هذيل مرة وحده ))
تحياااتي
المسرّي25-Sep-2005, 09:58 PM
الله الله على الابــــــــــــــــــداع
وانا اتصفح المحاورات الماضيه
اعجبتني هذي المحاوره لما تحتويه من فنون شعريه مختلفه
الشكر لماجد والسيل
وليت المنتدى يعود كما كان
وتعود لنا مثل هذه المحاورات
الايداء126-Sep-2005, 12:41 AM
ماشاء الله
عليكم يالشعار
أنتم مواصلين وحنا متابعين
