اصعب قصيده نبطيه ممكن انك تقراها !!!

السلام عليكم ورحمة الله وبركاته

هي للشاعر فهد ابن أحمد من أهالي إقليم سدير توفي قبل ثلاثين سنة تقريبا
والقصيده تحمل معاني جزله مع صعوبتها
وإليكم القصيدة ( منقوله)



يقول ابن أحمد الحيدان،حالي حالة المجروح=وألا ياأحوالهم ناحوا وناح الوقت ونحت وناح
-
ألا يالوح قلبي لوح ليحٍ صابه اللاحوح=لحاه الليح مع طول اللحاح والهوى به لاح
-
أنا من حين هاك الحين حولينٍ وأنا مطروح=طريح الحب حالي ناحلة من راحل المرواح
-
وياحاصولهم لا حوّلوا بالصوح ولابالصوح=يحول بالحبل والحبل حل من الحبيب وطاح
-
ذبحني حب حال الحالية بالحاجر المملوح=حناني حنيها بين المحاجر مثل حني رماح
-
حلوٍ شفاه حلا لينة حلا لينة بحل نجوح=إلى وضِّاح مثل وضاح لاحم ولا طفاح
-
أنا إن حنيت ماحنيت وإن حنيت شلت النوح=كما حنة حيام في حماد ناحرين رماح
-
وألا ياروح روحي يابعد روحي وريح الروح=تروح الروحة اللي راحت بروحي مع الأرواح
-
تحمّل له وحمّل حراميٍّ بلا مصلوح=عسى جحيم الحامية إلى حمت فيها يلاح
-
عسى من حال واحتال وتحيّل بالمها المكلوح=يحرول ويتحرول حيل حيثه ماسعى بإصلاح
-
حرمنا من منيحتنا منحها واحدٍ ممنوح=حلب لي حلبة حلوة وطاح إبها مِحْمِد الأجناح
-
ألا ياصاحبي وإن حال بك حالٍ فرح مسموح=حددني عنك حد الحد وأنت إحلم على ماراح
-
حلمت البارحة حلمٍ إلاي وصويحبي بصطوح=يحيي بي وأحيي به وأحبه وأنشق الأرياح
-
دحل جرحي وكيف أوحي وكيف أحيا وأنا مذبوح=وأنا ما أحسب سهوم الحب تذبحني بغير سلاح
-
وأنا حضي على حضي وحضي كالحٍ مكلوح=إلى حر الحباري حار حضي وأنحر الملواح
-
حلي الحص حصلته وحاص الحض بالمملوح=حذف به فوق حزمٍ ممحلٍ ماحام به سراح

وأنا إن حصلت لي حصه حرام إن تقتلب ذرنوح=وإلا حملت حمل الزل يقلب به وصار سياح
-
وكد حضي يفرحني بحرب العدا وهو مسدوح=إلى منه تحزم واحتزم للحرب صاح وطاح


وســـــــــــــــلامـــــــــــــــــــتــــــــــ ــكــــــــم

ابن نعيس

تسلم يمناك دايم تجيب الجزل والمفيد

تحيااااااااااااااااااااااااااااااتي

الدلبحي

الله يسلمك


ومشكووور على توصلك الدائم


تحياااااااااااااااااتي

مشكور والله يابن نعيس
على الطرح الجيد والجزل من التراث الشعبي
والله لا يهينك
والى الامام

سطام الرويس


يعطيك العافيه والله يسلمك


مشكوووور على مرووورك الكريم


تحيااااااااااااااااااتي

ياابن نعيس مشاركاتك جزيله=وكل ماقريته لك مميزوممتاز

نسناس

يعطيك العافيه والله يسلمك من كل شر

مشكوووور على مرووورك الكريم والرائع


تحياااااااااااااااااااااتي