السلام عليكم ومن العايدين بعد الزحمه
علي القحطاني16-Jan-2006, 10:00 AM
خلـــــــــــــــــــــــــوها
في محل أهل الوفا من بعد ما طال الغيابي = يا سلام الله على الساحه وفرسان الحروفي
يالمعزّب فك بيبان القصايد لا تهابي = وامسك الدله و رحب بالمسايير الضيوفي
مرزوق حمدان العتيبي16-Jan-2006, 11:49 AM
...
.
مرحباااااا تراحيب المطر ياعلي
والله ان لك وحشه...
الحمد لله على السلامه ....
مرزوق حمدان العتيبي16-Jan-2006, 11:57 AM
في محل اهل الوفاء والطيب ياراع الركابي = مرحبا ترحيبةٍ بك ماتوصفها الوصوفي
اقلط اقلط يا قحطاني دوب طاب الكيف طابي = من بعد ما غبت عنا والسبب بعض الضروفي
علي القحطاني16-Jan-2006, 01:08 PM
البقا والمرجله طبع الرياجيل العذابي = وكلمة أرحب منك تسوا عندنا فطحة خروفي
كيف حسني ما استحا من وفد مهدي والترابي = يالله افضح لحيته فرعن على الناس الضعوفي
((الدلبحي))16-Jan-2006, 03:10 PM
الله الله
حياك يالقحطاني وابرك الساعات
مرزوق لاهنت
واصلوا
تحيااااااااااااااااااااااااااتي
محيّل الثنيه16-Jan-2006, 03:41 PM
ارحب ياعلي
حياك الله
وجود مرزوق معك
يعطي المحاوره طابع خاص
واصلوا
فواز الشيباني16-Jan-2006, 04:03 PM
اخي علي القحطاني
الله يعطيك العافيه
ولا هنت يا غالي
مرزوق حمدان العتيبي16-Jan-2006, 04:14 PM
مافعلته يعتبر ماجوب ياواف الجنابي = وان وقفت بماقف الماجوب شرفني وقوفي
الترابي ومهديّه يستحقون العقابي = الحقيقه ياعلي تنقال والعالم تشوفي
مرزوق حمدان العتيبي16-Jan-2006, 04:15 PM
...
.
هلا بالجميع ..
شرفنا وجودكم .
..
كل التقدير يالدلبحي ويامحيّل الثنيه ..
...
.
حمد بن جوباح16-Jan-2006, 04:45 PM
..
.
علي القحطاني
مرزوق العتيبي
صحت ألسنتكم يالشعار
متابعين ومعجبين بابداعكم
واصلوا وتراني في صفك يا مرزوق
ثالث واحد من يمين جنب الغليّم الطويل
:)
اخوكمـ /
راس حربه
مرزوق حمدان العتيبي16-Jan-2006, 05:35 PM
...
.
مرحبا يالشاعر الرائع
راس حربــه تستحق لقب شاعر
وبكل جداره ..
شرفتنا ..
.
.
حمد بن جوباح16-Jan-2006, 06:10 PM
..
.
تسلم يا بو محمد
هذي شهاده اعتز بها
وعاني عصبت الراس ابا انزل الميدان
|16|
تحياتي ..
علي القحطاني17-Jan-2006, 08:20 AM
مرحبا و مسهلا بالجميع ومروركم شرف
علي القحطاني17-Jan-2006, 08:21 AM
الله الله:
يكرم الشيهان ما ينزل منازيل الغرابي = وانت من قوم لها تاريخ بيّن ومعروفي
الجبل واقف و شال العج كومات الترابي = لو تذرّت به سقاها الغيث ومزون القنوفي
مرزوق حمدان العتيبي17-Jan-2006, 08:51 AM
الله الله
ياعلي لازم تفرق.. و الخطا غير الصوابي = ماعلى بعض السوالف يا ابيض الشارب حسوفي
الغراب غراب عمره ماتعلّى فالهضابي = وانت مثل الحر قدرك فوق ياشوق الهنوفي
علي القحطاني17-Jan-2006, 10:24 AM
اسمع اسمع
بينت شمس الحقيقه وانجلا عنها الضبابي = وذابت الوان السراب وخالفت بعض الشفوفي
انبسط يا شيخ واقرا في عناوين الكتابي = الكتاب اللي مضا وقته علي ذيك الرفوفي
مرزوق حمدان العتيبي17-Jan-2006, 10:36 AM
ياعلي حيرت بالي بين جيّه وانقلابي = والجماهير استثارت والزعل وسط الصفوفي
دامك انته منبسط عقلي على العليا رقابي = وانت تعرف كل لعبه منك عندي ماتطوفي
علي القحطاني17-Jan-2006, 11:01 AM
طيب طيب
كيف وانته لابس ثوب من خيار الثيابي = وتنزل اسواق الحجاز وتنزل اسواق الهفوفي
السوال اللي يدور ولا لقينا له جوابي = طوف بيت الله و تلقا حلها وانته تطوفي
مرزوق حمدان العتيبي17-Jan-2006, 12:06 PM
خلوووووووووووها ....
..
الجبال اليا نواها الله نسفها بالشهابي = الشهاب اليا ضربها شرط ينسفها نسوفي
والله اني ماهقيتك دون هذي يالحبابي = لكن الله قدر الاشياء ..ماجت لك بالصدوفي
علي القحطاني17-Jan-2006, 03:33 PM
طيب طيب
يا جماعه حللوا ما قال مرزوق العتابي = يا حسايف كيف صار الكد ما هو بمخلوفي
بين لمعات السيوف وبين زرقات الحرابي = ما تغرك زرقة الحربات عن ضرب السيوفي
مرزوق حمدان العتيبي17-Jan-2006, 04:44 PM
ياجماعه هالحبابي صاير ٍ فيه ارتيابي = داخل ٍ فيه ارتياب وصايب الرجال خوفي
قلت يارجال خلك فالامان ولاتهابي = والحقيقه ياعلي تغنيك عن كثر الحلوفي
محمد العتيبي17-Jan-2006, 07:05 PM
الله اكبر علاكم
!!!!!!!!! لا تعليق !!!!!!!!
صح لسانكم .
مرزوق حمدان العتيبي17-Jan-2006, 08:52 PM
...
.
هلا يابو متعب..
علق وعبر ياسنايدي
وش اللي يمنعك ؟ .... :)
نورت ..
..
((الدلبحي))17-Jan-2006, 09:10 PM
محمد العتيبي17-Jan-2006, 10:26 PM
والله يابو محمد يخون بي التعبير؟؟
ماااار واااااصلواا
وانا معاكم ليا مبدا الصباح .
الشمالي الغربي17-Jan-2006, 11:11 PM
علي القحطاني
مرزوق العتيبي
طاروق رائع
جئت لاستمتع بمذاق شعري خاص
ودي وتقديري
ابن مشيب18-Jan-2006, 02:25 AM
شعراء عملاقه , نقض وفتل , وحنكه في نظم البيوت
الشاعرين
مرزوق وعلي
صحت السنتكم
الايداء118-Jan-2006, 02:26 AM
,
أبو محمد & علي القحطاني
طاروق يستحق المتابعه والمتعه في معانيه >>>> مسوي نفسه فاهم المعنى |37|
سجلووووووو أعجابــــــي ومتابعتي ’’’’
علي القحطاني18-Jan-2006, 08:25 AM
الاخوان الاعزاء مرحبا والله وياهلا والله لا يهينكم على المتابعه.
علي القحطاني18-Jan-2006, 08:27 AM
اسمع يا مرزوق اسمع:
ما لقا الجايع مع الضامي طعام و لاشرابي = والطمع بيني وبينك فالسنام وفالردوفي
رح وشجع يا هلالي مع جماهير الشبابي = و كل هجمه تعجبك صيّح ولوّح بالكفوفي
مرزوق حمدان العتيبي18-Jan-2006, 09:23 AM
..
طيب استلم :)
السنام إله الرجال اللي يضدون الصعابي = وانت ياراع الردوف اتشوف عينك ماتعوفي
الغريبه خندفي وش لون يتحداّ شبابي = والشبابي لاتحدوه الخنادف مايروفي
علي القحطاني18-Jan-2006, 10:23 AM
طيب طيب
همّلت غر السحايب والجبل بين الهضابي = وطرت فالعجه و قمت تهز راسك والكتوفي
لا تلفت لبن سينا واختراعه يالفرابي = والرسايل خلها يا صاحبي وسط الظروفي
مرزوق حمدان العتيبي18-Jan-2006, 11:34 AM
..
طيب طيب ..
انت يالمهزوز مالك صار بلسانك عيابي = وانتهجت لمنهج ٍ ما احد ٍ نهج به غير صوفي
ماجنيت من اختراعك غير ضربك فالعلابي = والرسايل لو كشفناها تدينك يالزهوفي
محمد العتيبي18-Jan-2006, 01:20 PM
الليل الليل وااصل وااصل
وااصل وااصل .
|191| |189|
|192| |165| |165| |165| |165| |165|
|201|
الايداء118-Jan-2006, 02:14 PM
..
طيب استلم :)
السنام إله الرجال اللي يضدون الصعابي = وانت ياراع الردوف اتشوف عينك ماتعوفي
الغريبه خندفي وش لون يتحداّ شبابي = والشبابي لاتحدوه الخنادف مايروفي
الغريبه خندفي وش لـون يتحـداّ شبابـي=والشبابـي لاتحـدوه الخنـادف مايروفـي
,
,
والله
أنه بيت عن أمية بيت يابو محمد
أنا بصفك ولا يهون جارنا علي ,,,
علي القحطاني18-Jan-2006, 02:57 PM
استلم يابو محمد:
لا تلحقني العتاب و لا نلحقك العتابي = يالامام اللي تقدم غير ما ساوا الصفوفي
لد عينك فالعمار و لاتعاين فالخرابي = والحقوق تراضي الزعلان واللعب محفوفي
مرزوق حمدان العتيبي18-Jan-2006, 04:49 PM
الله الله
..
العتب مرفوع لكن يظهر ان القاف شابي = وأ برك العربان يالاصحاب رجال ٍ عروفي
وانت اشوفك يابو ضاوي شايف ٍ نفسك صحابي = تدعي كل الكمال وقمت تطمر للجروفي
مرزوق حمدان العتيبي18-Jan-2006, 05:07 PM
..
.
ابو خالد الشمالي الغربي ..
ابن مشيب ...
هلا وغلا شرفتوناااا ... وتو زانت الصفحه
بحضوركم ..
...
مرزوق حمدان العتيبي18-Jan-2006, 05:11 PM
...
ابو تركي
وابو متعب ....
مرحبا امرار
وهلا تكرار ........
و الف شكر لكم على تواصلكم..
وشهاده منك يابو تركي اعتبرها وسام ..
..
.
علي القحطاني21-Jan-2006, 08:59 AM
صح لسانك يابو محمد والله لا يهينك واعذرني على البطا.
مرزوق حمدان العتيبي21-Jan-2006, 07:57 PM
...
.
صح بدنك ياعلي
ولاانت بمعذور :)
والسبب انا نفرح ونسعد بتواجدك المستمر ..
والف شكر لك ياغالي ..
اخوك ....
