نادوا قضاة المحكمه !!

السلام عليكم ..


في منتدى الهيلا حضرنا وإسمعوا يا الطيبين = مافيه تمره تنّخرف الا بداخلها إعجمه
الدرب سيده ياعتيبه لا يسار ولا يمين = نادوا قضاة المحكمه نبغا قضاة المحكمه

...
.
وعليكم السلام ياقبلان
... ياسلام ياسلام ....
ودنا نستفيد من المبدعين شرواك في هالطاروق ...
اذا منت موجهه لشاعر معين؟
..
اخوك ....

اكبر فخر لنا ياسعاده المدير .. وانت كبير قضاة المحمكه ..


تحياتي لك

...
.
الفخر لنا طال عمرك ولاعليك قصور ..
...
.



في منتدى الهيلا ترى القاف الطري لعبه يزين = لاصار قدمك واحد ٍ يفهمك وانته تفهمه
الليل ياقبلان وامتعنا من القول الثمين = دامك دخلت المعركه فكر وش اللي تغنمه

مرزوق العتيبي
قبلان
صحت اللسنتك وبيض الله وجيهكم

..
.
وجهك ابيض يا مساعد ..
.. وصح بدنك..
...

قبلان له عين (ن) ترى مرزوق له قلبن فطين = وإبليس لا جانا هنيّا يالعتيبي نرجمه
وصل العطياني بجده عصر في يوم الثنين = إيقول مريت ولقيت إم اليدين الناعمه

مساعد العضياني .. صح بدنك .. ونورتنا يالغالي ..


تحياااااااااااتي لك

..
.
الله الله
.



ابليس لامنه بدا نقرا علاه بأيتين= اقرا عليه البسمله وانته تقوم وتلجمه
اثرك ياقبلان ما ترفا خمال المسلمين = يومه عطاك العلم ياقبلان واجب تكتمه

ياسلام عليك يالمدير .. جاك الداب جاك ..


سعادة المشرف تفضل لو سمحتوا لحظتين = إقر الجرايد كلها لو الصحافه مبهمه
هذي قصيدة وصل وانته تعرف العتبان زين = مابه عتيبي (ن) يخون الصاحب اللي علمه

اثرك ترمي رمية ٍ واخلفت فيها الناظرين = مادمها الدعوى كذا فاركب حصانك وازهمه
قبلان راسه يابسه بين العرب عيت تلين = مطلوبنا كلمه وحيده ليت ينطقها فمه

هذا ترى سلم العرب ياكم مضى له من سنين = مايجهلك سلم العرب والكنز عندي منجمه
مرزوق يامرزوق هل تذكر بلاد الرافدين = شعب إمتكاتف والله اعلم منهو اللي قسمّه

الليل الليل

واصلوا على القوه

متااااااااااااااابع



اخوكم الفالح

الفالح .. يامرحبا مواصلين طال عمرك .. لين تبدى انت والنشمي .. وتراني متحيزم لصفك من الحين .. ولايهون النشمي ومن غير قصور فيه ..

تحياتي لك

...
.
الاستاذ قبلان استاذنك الان واصل مشوار
ون كان ماساعفنا الوقت نكمل الليله...... فغداً بأّذن الله
...
تحياتي

إخذ راحتك طال عمرك.. وابد متى ماحضرت نكمل ..

..
.
ارحب يابو فلاح ....




ايه اذكر التمثال يوم انه غدا فيها طحين = سبحان من غير حوال الناس من بعد نعمه
احسب حساب المقبله واطلب عسى ربك يعين = تطلع براس المال ياقبلان اخير من عدمه

قبلاااااااااااااان

و

مرزوق العتيبي


صحت السنتكم

و

سلمت اناملكم

على هذا الأبداع


لكماء فائق الود

قدمت راس المال يامرزوق والخافي يبين = لكن غيرك يرتعد وسط الدروب المظلمه
ثلاثة افواجن ترامت كيف نملك بندقين = ماني بشايل بندقي هذا زمان العولمه

الغربي صح بدنك .. ويامرحبا نورت الصفحه بتواجدك .. لاهنت

..
.
الله الله



اللي يخاف المظلمه جعله لفرخ المارتين = مثل الحصيني لو تحاول تلزمه ماتلزمه
دامك معي ياصاحبي قدامنا القاسي يلين = واللي يدوّر للمشاكل فوق خشمه نلطمه

..
.
الغربي نت سعدنا بهذا التواجد ..
..
الف شكر ياغالي
.....

اللي يخاف المظلمه جعله لفرخ المارتين
مثل الحصيني لو تحاول تلزمه ماتلزمه

اللي يخاف المظلمه جعله لفرخ المارتين
مثل الحصيني لو تحاول تلزمه ماتلزمه

يسلم فكرك .. وصح لسانك ..
أبدااع ..
الصف مايحتاج ,,

الشاعر والأستاذ : مرزوق العتيبي تشرفت باللعب مع شاعر بحجمك .. وصح لسانك ولاهنت .. ولنا لقاءات اخرى بإذن الله ..


تحياااااااااتي لك

محاورة طيبة

صحت السنتكم يالاثنين

سعود البرقاوي .. الطيّب هو حضورك .. وصح بدنك طال عمرك ..
شاكر ومقدرك مرورك الكريم ..

تحياتي لك

هذا ترى سلم العرب ياكم مضى له من سنين = مايجهلك سلم العرب والكنز عندي منجمه
مرزوق يامرزوق هل تذكر بلاد الرافدين = شعب إمتكاتف والله اعلم منهو اللي قسمّه

ياسلام عليك ياقبلان......!!!!!!!!!!!
ولاقصرمرزوق يعطيكم العافيه

هلا هلا بالنجم الثاقب .. نورت صفحتنا المتواضعه طال عمرك ..

شاكر ومقدر لك مرورك...


تحيااااااتي لك

..
الاخوان جميعا اشكركم الشكر الجزيل..
على تواصلكم .... والله لايهينكم..
.. الشاعر المبدع قبلان صح بدنك ياغالي
... وتشرفت باللعب معك ...
..