من يستطيع المشاركة منكم يا بني عمي ؟؟؟؟؟؟؟؟؟؟؟؟؟؟؟؟؟
ابن عصيم08-Jun-2007, 02:21 AM
أحبتي أعضاء الهيلا المميزين هذه مشاركة عاجلة ومن كان لديه عليها مساجلة فأنا له من الشاكرين ودمتم على طاعة الله
لا شاش راسي من غثا الوقت لا شاش***جاوبت ملحون الحمام المناييش
وشبيت نارن بالحطب ماهي خشاش***وقربت زينات الدلال المناقيش
ودنيت نجرن يسمعه كل مدغاش***وبن اليمن ناقيه من جملة الخيش
وسويت لي كيفن هو ينعشني إنعاش***ماهو بكيف مكبرين المفاريش
ياصاحبي والهم في داخل الجاش***زادوه خلان الرخا والمرابيش
احذر ترافق واحد طاش ما طاش***يوردك غبات البحور المغابيش
رافق قوي الدين هشاش بشاش***ينفعك لاجاك الزمان بتداويش
وسلامتكم
ماله امان08-Jun-2007, 04:23 AM
(صح لسانك يابن العم وتجاوباً معك لك هذه المجاراه العجله وعساها تحوزعلى رضاك والمطلع)
الروح بالي واخره داخل اقمــاش=وحنأ نقول الوقت وهاذي معاويــش
نأخذ من الاوقات في وقت الاغباش=وكل ٍ يدور حاجته فالمغابيـــــــــش
هذا طريح الوقت وهذا على فـــراش=تصغر وتكبر حاجته بالمناقيـــــش
والفكر ضايع والولد دوم منـــــــداش=والصيد كأثر فالبلد والدراويـــــش
والحب اله مدخال والحب جيـــــــاش=يقضي على رؤس العيال المداغيش
وخوينا والضيف يبشر بالأكـــــــباش=حيل ٍ سمان وفوقها وافر العيــــش
ومنيعنأ والجار من دونه أبــــــــلاش=ابلش من اللي ناوين المبالــــــيش
وجتك الاشاره ياصديقي على فـــلاش=امسك زمام العلم قدم التناويــــش
مرزوق حمدان العتيبي08-Jun-2007, 01:31 PM
وخوينا والضيف يبشر بالأكبـاش
حيل ٍ سمان وفوقها وافـر العيـش
...
بن عصيم وماله امان ...
صحت السنتكم .... وبيض الله وجيهكم ..
..
البدر200608-Jun-2007, 02:08 PM
بن عصيم وماله امان
بيض الله وجيهكم وماقصرتو
ابن عصيم09-Jun-2007, 03:30 AM
الأخوة الأعزاء
ما له أمان ومرزوق العتيبي والبدر2006
أشكركم على المشاركة التي أفرحتني جدا
تسلم وصح إلسانك يا أخوي ماله أمان القصيدة جزله من شاعر جزل
مودتي لكم ودمتم على طاعة الله
ابن عصيم
أبو صقر11-Jun-2007, 12:42 PM
لا شاش راسي من غثا الوقت لا شاش***جاوبت ملحون الحمام المناييش
ومنيعنأ والجار من دونـه أبـلاش***ابلش من اللي ناويـن المباليـش
صحت السنتكم يا شعار الهيلا
تحيتي ..........
عبدالله البرقاوي12-Jun-2007, 10:55 PM
ابن عصيم وماله امان بيض الله وجيهكم والله يعطيكم الف عافيه وصحت السنتكم
ناصر الجلاه12-Jun-2007, 11:20 PM
... صح لسانك يابن عااااصم ...
تقبل مروري واعجااااابي يابن عمي ولاتحرمنا ماعندك
ابوبجاد الرويس13-Jun-2007, 02:01 AM
ابن عصيم13-Jun-2007, 03:41 AM
الأخوة الأعزاء
سطام روق* وعبدالله العصيمي* وفزاع* وأبو بجاد الرويس
شكراً لمشاركتم لي وأتمنى للجميع التوفيق
ودمتم على طاعة الله
أخوكم ابن عصيم
نايف الثبيتي الروقي13-Jun-2007, 09:34 PM
لاهنتو ياابناء عزوتي وبيض الله وجيهكم
عمرالروقي14-Jun-2007, 03:14 PM
بن عصيم وماله امان ...
صحت السنتكم .... وبيض الله وجيهكم ..
..
