قصيدة آلاد النخيش للشاعر / فيصل القثامي والرد عليها للشاعر محمد النخيش

سلام عليكم ورحمة الله وبركاته ..

هذي القصيدة للشاعر / فيصل بن تركي القثامي

مرسله للشاعر / محمد بن غازي النخيش


سجل يبومفلح جزيل المثايل
وارسل لبوغازي كلام القصيدة
هذاك لن حانت حروب وهوايل
من دون ربعه بالسيوف الحديده
مثل الثعال ان جات حق المخايل
ايهل هماله على من يريده
من لابه تعرف بطيب الفعايل
لاجات مابين الرجال الشديده
لاجاء النخيش يعدل من كان مايل
مقدم عتيبة فالليال الشديده
وابك النخيشي مزببن للدخايل
فكاكته لنجاك خلفه طريده
والهرج مايثبت سوا بالدلايل
واللي يباها في الفعول التليده
وانا قثامي كان راحت قبايل
قبيلتي يوم الاسامي فريده
من ربعي عتيبة عدا كل عايل
امجادها ماهيب وسط الجريدة
امجادها من فوق ضهر الاصايل
اعدوها بالحرب تقطع وريده
واعيدها يانخيش للمجد طايل
والله يديمك في ليال مديده


وهذا الرد من الشاعر / محمد بن غازي

ياهاجسي مادمت للجزل نايل
وبيوت فكرك بالمعاني سديده
نبغاك تصطاد البيوت الجزايل
وتحكم القيفان وتشد حيده
وصل كلامي لابن عمي عجايل
رسالة فيها الردود الحميده
وعدد حروفي بالقصيد العدايل
للشاعر اللي جايز(ن) لي نشيده
قله ترى صدري لشرواك شايل
حب وغلا وسط البيوت الجويده
قل للقثامي ياسليل الحمايل
اللي على الطاله تزايد رصيده
صدري يقدر من تعدا الطوايل
وأبدع علشانه ابيوت(ن) فريده
ياشعر خلك مثل سيل المسايل
سيل(ن) كسى خيره جميع البديده
أدخل قلوب الناس لاصرت قايل
ولهل الوفا والطيب خلك وليده
سلم عليهم بالتحايا الجلايل
ثم ثنها لأهل النقا فالعقيده
حماية الخايف عدا كل عايل
أهل الكرم واهل الفعول المجيده


أخوكم : طارق النفيعي

صح السانـ فيصلـ القثاميـ

صح السانـ محمد النخيشـ

وتسلمـ ياطارقـ على النقلـ الرائعـ

واللهـ يعطيكـ العافيهـ

وبيضـ اللهـ وجهكـ

اخوكـ

فالح الكرنافـ

صح لسان القثامي

وصح لسان النخيش

ولاهنت على النقل

مشكور على القصيدة

العفو وشاكرين الرد ..

وتسلمووون على التواااااااااااااصل

صح لسان الشعار



ويعطيك العافيه اخوي طارق

قصائد رائعة

صــح السان الشاعر فيصل القثامي والشاعر محمد النخيش



طارق النفيعي

لاهنت على النقل الرائع

الله يعافيكم

شاكرين التواصل

صح لسانك وبيض الله وجهك

صح بدنك ..

شاكرين ردك

مشكور وماقصرت

العفو وشاكرين ردك

لاهنت ياطارق على القصيده الجزله


والاد النخيش يستاهلون كل العلوم الغانمه

وصح لسان الشاعر الشاب فيصل بن تركي القثامي

والشاعر محمد النخيش على الابيات الوافيه


وتقبل تحياتي

مشكور ياخوي طارق على النقل
وكفو ياعيال العم

الله مير يسلمكم ..