سارح البال تقدم حياك الله
نايف بن ملحق الثعلي12-Dec-2007, 06:22 PM
يامرحبا ياهلا ياسارح البال=نبا نسولف معك والعمر فاني
البيع والمشترى من روس الاموال=والسوق دوب احتما يالمودماني
نواف العصيمي12-Dec-2007, 06:25 PM
الله الله
صح لسانك .. ولسان سارح البال .. :)
وأزهل الصف يانايف
ولكم التقدير والإحترام
راع العلطا12-Dec-2007, 06:32 PM
يامرحبا ياهلا ياسارح البال=نبا نسولف معك والعمر فاني
البيع والمشترى من روس الاموال=والسوق دوب احتما يالمودماني
الله الله صح لسانك ياناايف على البدع الكايف
وصح لساان سارح البال مقدما ً
متابعين لاخر حرف.
معجب العتيبي12-Dec-2007, 06:48 PM
دام البقا بك يانايف طيب الفال=سولف واسولف على جزل المعاني
من يدخل السوق بجنيهات وريال=ماترجع العشر في كفه ثماني
الصلاة قربت والليله انكمل طال عمرك
نايف بن ملحق الثعلي12-Dec-2007, 06:58 PM
بنت الهوى ماعشقها كل رجال=والجدي معروف وسهيل اليماني
حنا نسد الطلب في كل الاحوال=تراك تدري وتسمع بالاذاني
نايف بن ملحق الثعلي12-Dec-2007, 07:08 PM
نواف العصيمي +راع العلطا
مروركم يسعدنا ويشرفنا لاهنتو
معجب العتيبي12-Dec-2007, 07:32 PM
بنت الهوى ماعشقها كل رجال=والجدي معروف وسهيل اليماني
حنا نسد الطلب في كل الاحوال=تراك تدري وتسمع بالاذاني
بنت الهوى قلبها بالحيل ميال=ميال الي والهوى يمه رماني
والعشق ماهو سواليفٍ وتنقال=يبغاله اثبات ياذرب اليماني
معجب العتيبي12-Dec-2007, 07:35 PM
راع العلطا ونواف العصيمي
هلا وغلا ومروركم ينومس
كبتن عتيبه12-Dec-2007, 07:42 PM
الله الله
طاروق ممتاز
وشعار مايعتاز
نايف بن ملحق الثعلي12-Dec-2007, 07:43 PM
ودك بها والعلوم الوان واشكال=والوقت يحداك عنها ماحداني
خلك على الهون والله يسترالحال=والمشكله فالزمان القلاباني
معجب العتيبي12-Dec-2007, 07:54 PM
ياللي تكشّخ لها بشماغ وعقال=لاتتعب النفس في طرد الغواني
اتعتبت روحك واضن الوقت ابك طال=وانا ملكت الكريمه من زماني
نايف بن ملحق الثعلي12-Dec-2007, 08:10 PM
اثرك تعشق الهوى والحب قتال=وليا نصحناك اظنك ماتداني
ياراعي الكيف يكفي منه فنجال=فزنا بها ياعريبن المجاني
معجب العتيبي12-Dec-2007, 08:58 PM
اثرك تعشق الهوى والحب قتال=وليا نصحناك اظنك ماتداني
ياراعي الكيف يكفي منه فنجال=فزنا بها ياعريبن المجاني
الحب اله في قلوب الناس منزال=واضنه بحرفك المكتوب باني
واشهر هل الحب تظرب فيه الامثال=ليته مخليه من بين المحاني
ربح السبيعي12-Dec-2007, 08:58 PM
نايف الروقي و سارح البال
محاوره رائعه وفتل ونقض
صحت السنتكم ولاهنتو
معجب العتيبي12-Dec-2007, 09:04 PM
نايف الروقي و سارح البال
محاوره رائعه وفتل ونقض
صحت السنتكم ولاهنتو
ياهلا يابو خالد نورت المتصفح بحظورك
نايف بن ملحق الثعلي12-Dec-2007, 09:08 PM
معاد لك حيلة ٍ فالوقت تحتال=لكنك اسمع كلامي من لساني
انته عطاوي عريب الجد والخال=العلم واحد ولابه علم ثاني
معجب العتيبي12-Dec-2007, 09:29 PM
ماجبت ياصاحبي مقياس مثقال=عرفت علمك بعد عشرة ثواني
انا عطاوي والي فالمجد مدهال=وعيال عمي لهم قدر ومكاني
نايف الروقي
اسعدني اللعب معك واتحت لي فرصه عظيمه بمجاراتك فشكرا شكرا
وان بغيت تختم وان بغيت تخليها على مبنى الشايب
والا وش رايك؟
نايف بن ملحق الثعلي12-Dec-2007, 09:32 PM
صح لسانك
شرفتني بااللعب معك يالغالي
والجيات اكثر
$ الحــيــران $12-Dec-2007, 09:49 PM
صح لسانك يانايف وسارح محراف رائع
نايف بن ملحق الثعلي12-Dec-2007, 09:51 PM
الحيران صح بدنك
مرورك يشرفنا
محمد العضياني12-Dec-2007, 10:25 PM
نايف الروقي وسارح البال
صحت السنتكم
سعدت بالمرور واستمتعت بالقراءة
تقبلا التقدير الجم
نايف بن ملحق الثعلي12-Dec-2007, 10:39 PM
معجب العتيبي12-Dec-2007, 10:42 PM
لكل من شرفنا بحظور او اطراء او تشجيع
شكرا وعسى عمرك طويل
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
