كان الفخر لـه جمال عتيبه جماله

هذه القصيدة مهداه للأخ العزيز طلال بن سلطان السلات العتيبي
ياراكب اللي يشم الهيف تمثاله = جمسٍ ركوبه يزيل الهم والضيقه
آخر مديلات وارد بوش ورجاله = جميح جي أم مكتوباً على زيقه
لا ادوى على يمته والظل يبراله = ادواي حراً مطلقتاً مسابيقه
مارها على نزعة البرقع تهيا لـه = ممسي بليا علف واصبح على ريقه
ياراعي الجمس وجه به على فاله = عساك تحظى بستر الله وتوفيقه
تحمل سلامي وتحمل ظرف بارساله = ماسلمه غير من تلزم مواثيقه
خله لديرة عفيف يروح الحاله = ولك عند بيت الكريم الشهم تلبيقه
نصه طلال السلات اللي تعناله = نسل الأماجيد يزها المدح ويليقه
المدح يستاهله والبيض تثناله = والشعر لا قيل به زانت طواريقه
بيضٍ تغطي جنوبي نجد وشماله = والها على الكون تغريبه وتشريقه
للطيب اللي تنومس ربعه أفعاله = بعض الرياجيل ما يلحق ملاحيقه
اليا نخيته نهض للحمل واشتاله = الوقت تعرف رجاله من لصاميقه
ماهو غريب من أبو سلطان وامثالـه = المجد عملاق وعتيبه عماليقه
ربعه عتيبه هل الناموس والقاله = ربعاً تفك المتلي لا نشف ريقه
كان الفخر لـه جمال عتيبه جماله = وان كان للطيب مخزن هم صناديقه
وصلوا عدد ما يلوح البرق بخياله = على نبياً وجب نهجه وتصديقه

بيض الله وجهك اخوي الكريم وصح لسانك

تحياتي

صح لسانك يا الصميلي .. وماعليك زود .

قصيدة جزله . بارك الله فيك



تحياتي لك ,,

صح لسانك و سلطان يستاهل
بيض الله و جهك على ها القصيدة

الأحوة

ابو فراس
ابن فرحان
سحاب نجد

صحت ابدنكم ومن يقول بيض الله وجهه
وشكراً لكم على المرور

تقبلوا تحياتي

اخوكم الصميلي

صح لسانك يالصميلي وماعليكم زود

وياليت توافينا برده اذا كان السلات رد

وتحياتي لك

صح السانك والله لايهينك على هذة القصيدة الجزله ياخوي الصميلي.

صح لسانك

قصيدة جزلة





ونتمنى المزيد




تحيااااااااتي

الصميلي

صح لسانك وسلمت يمينك

ومشتاقين نشوف غيرها

الأخوة الكرام
شوق الخراعيب
ابن مشيب
وصل العطياني
مشتــــاق
صحت ابدانكم ومن قال سالم
ولانهتو وشكراً لكم