ابيات لبديوي الوقداني لاول مره تنشر

بسم الله الرحمن الرحيم
السلام عليكم ورحمة الله وبركاته


اليكم اعزائي الكرام هذه الابيات التي لم تنشر ضمن ابيات الشاعر بديوي الوقداني وقد حصلت عليها من احد الرواه القدامى بكل جهد ومشه


اربع معاني شكيل الناس قاضبها=ومن غر منها ترى ماهو برجالي

الاوله بندق توجع مضاربها=يجيلها في نهار الفعل زلزالي

والثانيه حلة توفي بواجبها=يعبالها الكيف في محماس ودلالي

والثالثه حرة تزهى جنايبها= ليا بدى النوب نادوا طيب الفالي

والرابعه بنت عمك لاتصاحبها=واحذر لها بالنظر من يم الانذالي

والبل هوى البال والخاطر يفوز بها= ليا جمعها المشايع جالها تالي

حليبها فالمناره مايغايبها= وعيالها فالجموع تقول الاوعالي

والضان زانه لكن الوقت يعطبها=يجيلها في نهار الشتو سروالي


واخس مافي المراجل يوم احسبها= حمر البقر ياصبي طوال الاذيالي

الله يرحم الشاعر / بديوي الوقداني

ويتغمده بواسع رحمته إن شاء الله ..


قصيده ملئيه بالحكمه والنصيحه ..
الف شكر يالمكافح على القصيده التي فعلا لم يسبق لها

النشر ..

تحيتي لك
...

العفو واسعدني مرورك وكلنا في خدمة الموروث الشعبي

الله يرحم متنبي عتيبه الشاعر/ بديوي الوقداني


نصيحه ثمينه


المكافح بيض الله وجهك على النقل



تحيتي

رحمه الله والابيات يمكن سقطت من القصيده الشهيره لانها على قافيتها
بيض الله وجهك على النقل ..