15-Jun-2009, 02:45 PM
محمد الاحمد السديري
يازبن ودعناك في يوم الإثنين=لعلها لك يااخو صنعا مسافير
في جيرة الله ياعشير الغلامين=يامقفيآ عنا ذكرناك بالخير
نغليك يوم إنك بعيدآ عن الشين=وريفآ لضيفك فالليال المعاسير
يومآ تغيبه عندنا قدر عامين=ويومآ نشوفك فيه عز وتباشير
هذا الفراق اللي نظرناه بالعين=وعز الله إنك ناويآ بالمحادير
يازبن يالبراق بالله على وين=واسلم ورد العلم يازبن لعمير
رد زبن بن عمير
وانا بعد ودعتك الله بتسعين=وداعتآ في حفظ والي المقادير
ياباذل الحسنى على المستحقين=ونطاح بالضيقات وجه المناعير
ياللي بدرب الطيب جالك براهين=ولبست بالبيضا ثيابن مشاهير
يبون دربك ناس واجد وعجزين=يجيلهم من دون دربك عواثير
ولايختفي فعل به الناس دارين=لين إنها تمحى الجبال المزابير
من يوم عنك أقفيت والقلب والعين=عندك وفي جسمي تشب السواعير
يازبن ودعناك في يوم الإثنين=لعلها لك يااخو صنعا مسافير
في جيرة الله ياعشير الغلامين=يامقفيآ عنا ذكرناك بالخير
نغليك يوم إنك بعيدآ عن الشين=وريفآ لضيفك فالليال المعاسير
يومآ تغيبه عندنا قدر عامين=ويومآ نشوفك فيه عز وتباشير
هذا الفراق اللي نظرناه بالعين=وعز الله إنك ناويآ بالمحادير
يازبن يالبراق بالله على وين=واسلم ورد العلم يازبن لعمير
رد زبن بن عمير
وانا بعد ودعتك الله بتسعين=وداعتآ في حفظ والي المقادير
ياباذل الحسنى على المستحقين=ونطاح بالضيقات وجه المناعير
ياللي بدرب الطيب جالك براهين=ولبست بالبيضا ثيابن مشاهير
يبون دربك ناس واجد وعجزين=يجيلهم من دون دربك عواثير
ولايختفي فعل به الناس دارين=لين إنها تمحى الجبال المزابير
من يوم عنك أقفيت والقلب والعين=عندك وفي جسمي تشب السواعير
