الصراط

البارحة فكـّرت في شكل الصراط=وكيف أبمشي يا ترى هل هو بسيط؟

النار تحته والملائك بالسياط=حاشرين الناس عريان وخليط

ومن يبالي وقتها بالاختلاط=وكل واحد قلبه معـلــّّق بخيط

من عذاب الله مآخذ الإحتياط=خايفٍ يُرمى على جمر السخيط

لا حساب بنوك ينفع وإرتباط=في علاقة مع أمير ولا وسيط

في بلاطٍ غير عن كل البلاط=تحت ظل القادر الرب المحيط

كيف أبهنى بالفرح والانبساط=والذنوب تزيد ولساني سليط

لا صلاة ولا صيام ولا رباط=والمعاصي عندها جداً نشيط

في المعاصي لعن أبو هذا النشاط=تضحك الدنيا على العبد الحويط

وقتها حسيت معنى الانحطاط=ومرّ عمري بالفعل مثل الشريط

يا الله إني ما طلبتك بإشتراط=كيف أبخفي وأنت بالخافي تحيط

طالبك رحمتك في قطع الصراط=طالبك رحمتك والباقي بسيط




محمد الثبيتي

بيض الله وجهك وصح لسانك



وعسى الله يرحمنا برحمته في ذلك الموقف المهيب



قصيدة معبّرة ومؤثره الى ابعد مدى .. وفيها من العظه والعبره الشيء الكثير



تقبل مروري وتحياتي

محمد الثبيتي

يعطيك الف عافيه قصيدة روعه

تقبل مروري

وجهك أبيض أخوي/ عبدالله بن طلال


مرورك شرف كبير

وشهادة أفتخربها


لا هنت

الله يعافيك أخوي /عبدالحمن العقيلي



أنت الرائع ومرورك يشرفني

لا هنت