حمدان العصيمي وصقر سليم ( والمعنى ابو مشعاب وخليفته )

طاروق كان من ضمن الحفله التاريخه قبل أسبوعين في الطائف في حفل شفاء زابن بن ميشع العضياني


طاروق رائع بكل ما تحمله الكلمه من معنى في معناه ولحنه ومبنى أبياته



الطاروق كان يتكلم عن تصريح ابو مشعاب قبل حفل اعتزاله بأيام أن خليفته هو ( صقر سليم )
وما دار فالساحه من نقاش حول أحقيته بذلك بين مؤيد ومعارض خصوصا من شعراء سليم أنفسهم .


حمدان بدع معناه من هذا الباب





حمدان العصيمي

مرحبا يا شاعرن مختلف ما انت بعلا = وضعك الأول وأكيد إن عندك مشكله
أحد معطيك الولاء وأحد ما أعطاك الولاء = شايلن حتى القرى فوق رأسك بأكمله







صقر سليم


نحمد الله ما إختلفنا على عز وغلا = والليالي ما تغير رفيع المنزله
العرب صلوا سوى يا مصيح فالخلا = وأنت تقرأ لك على الناس حجه باطله





حمدان العصيمي

إنكشف سر الإداره وعرفوه الملا= يا مدير الدايره فك بابك وإقفله
العصيمي لابس البشت جنب أبا العلا = والبقيلي مبتلش في عيال الأرمله







صقر سليم


أنت ماشاء الله على منهجك كلك حلا = يالعصيمي تحسب إن العباد مغفله
ما ابتلشنا غير فيكم ويا كافي البلا= يوم ننهي مرحله تبتدون بمرحله







حمدان العصيمي

نعلم إن الحنظله لا ظلال ولا كلا= لو نسورها بريحان تبقى حنظله
يا حددنا فرقوا في جماعه وزملاء = يعلو الحاجب على العين والعين أسفله






صقر سليم


البلا في قلوبكم طول الأيام تغلا= تطلعون كدي وتعودن المسفله
يا كثيرين الصوايح قليلين الحلا = تتبعون القافله في مسير القافله





حمدان العصيمي

نجمنا فوق المجره تعلا وإعتلا = وأنت نجمك في نطاق النجوم المهمله
الذيابه قامت تحوف رعيان الفلا = وش مصير الراعي اللي فقد مستقبله





صقر سليم

العلم مرفوع حول السموات العلا= وأطلق الشعار تنهيه منا البسمله
تدري إن القلب ماله حياه بلا كلى = وأنت لو قلنا لك القلب ما تستاهله





حمدان العصيمي



أنت قلبك من صدى الغبن باقي ما انجلا = يمكن الله يغسله فالليال المقبله

صقر سليم يبا يتناوشونه الشعار بسبت هالمشعاب

ههههههههههههههههه


ابو فايح لاهنت على النقل


تحيتي

العصيمي لابس البشت جنب أبا العلا والبقيـلـي مبتـلـش فـــي عـيــال الأرمـلــه





صح السان الشاعرين

ولاهنت يابو فايح

الله .. الله ..!

طاروق كااايف

وشعار مبدعين..


لاهنت على النقل

طاروق كايف جدا


والاثنين .. يسيرون بخطى ثابته نحو القمه


..


ابو فايح .. و انت ثابت في قمة هذا القسم ... لا هنت يا الذيب

لاهنت يابو فايح على الطرح الجميل



اتمنى لك التوفيق

طاروق رائع

وشعراء عمالقه


ونقل رائع