غلطة زمن

ماكان خافي بالأمس اليوم بيـن لـي=والناس ماادري وش اللي في روابعها
يوجد بها مخطـيٍ للـدرب و مْدِلّـي=ولو يختلف وقتهـا تبقـى طبايعهـا
وقناعة النفس تكفينـي وفخـرٍ لـي=شيكٍ مصدق و تغنـي عـن مطامعهـا
لكن حريصٍ على العاقل رفيـق لـي=اللـي نشـا بالرجولـه ماتصنّعـهـا
اللي خويّـه يـروح ومنـه ماملـي=ونفسه على العـز والتقديـر رافعهـا
وأن جات شدّه وضيقه صار عضدٍ لّي=ورجله عن العيب والمنقـود مانعهـا
ويحرص على هرجته من مدخل الزلي=والأذن سكّر عـن النمّـه مسامعهـا
ومن رفقة الجاهـل الغـاوي يزولّـي=عـدو نفسـه على ماقيل بايعها
الجاهل اللي علـى الغـرّات متعلـي=والناس ماهيـب معجتة صنايعهـا
وشين الخبر به يجر الصوت ويهلـي=ويفرح على الناس ويقلّـب مواجعهـا
متهـوّرٍ فالزمـان وعجـل ومولـي=وفي عجّته صيدتـه دايـم يضيّعهـا
هذاومثلة ر فيقٍ يجلـب الذلـي=ومن يشتـري رفقتـه لازم يرجعهـا
والا دخـل مشكلـه ماعـاد تنحلـي=وتصير غلطة زمـن تتعـب مرقّعهـا

يشرفني بأن أكون


أول من يصافح هذه الشامخه



تقديري

صح لسانك يابو خالد

صح السان الشاعر





//

ياسلام عليك

يابومذكر

صح لسانك

ملاااااااااااااايين

تحيتي وتقديري

عيظه الثبيتي

مرورك يسعدني الله لايهينك

وصح بدنك ياالغالي

تقبل تحياتي

ابن صنهوت

مرورك يشرفني الله لايهينك

تقبل تحياتي

ابو خالد

صح السانك على هذهالقصيده الجزله