ابيات حكم للشاعر الكبير رشيد الزلامي

يامتعب الأقدام ماشي على ويـن & مع جرّة جاها العجـاج ودفنهـا

ارجع وعدّ خطاك وحده وثنتيـن & واكبح جماح النفس والزم رسنهـا

لاتامن الدنيا ترى وضعها شيـن & ماعاد به دنيـا صحيـح بدنهـا

لاصاروا العقّال مثـل المجانيـن & واصبح ردي العرف يامر وينهى

انا مجرّب والتجـارب براهيـن & اراهن الأيـام واكسـب رهنهـا

منها عرفت الفرق بين الفريقيـن & سبحان من صاغ العقول ووزنها

وان كان صح ان التجارب براهين & ضمنتها لن كان ربـي ضمنهـا

رفقة ردي المعرفة بعتهـا ديـن & على زبون " ضمّها واحتضنهـا

بغى يجيني بالثمن قلـت بعديـن & امسك فلوسك لين ننشـدك عنهـا

مابعتك الاّ سلعة" يااحمر العيـن & ابيعهـا وابيـع حتـى ثمنـهـا

والله مبي فيها ثمن لـو قرشيـن & بس المهم انـي تخلصـت منهـا




شعر : رشيد الزلامي

صح لسان الشاعر الكبير رشيد الزلامي


ولا هنت يالدغيلبي على النقل

بيض الله وجهك ياعبد الله الدغيلبي

على النقل الرائع

وصح لسان الشاعر رشيد الزلامي

تقبل مروري يالغالي

مشكورين على الاطراء واسعدني مروركم

الله مااجمل هذه الابيات ..



لله درك يابو جميل ..



بيض الله وجهك ياعبدالله على النقل الوافي ..



تحيتي لك
..

يامتعب الأقدام ماشي على ويـن=مع جرّة جاها العجـاج ودفنهـا

ارجع وعدّ خطاك وحده وثنتيـن=واكبح جماح النفس والزم رسنهـا

لاتامن الدنيا ترى وضعها شيـن=ماعاد به دنيـا صحيـح بدنهـا

لاصاروا العقّال مثـل المجانيـن=واصبح ردي العرف يامر وينهى

انا مجرّب والتجـارب براهيـن=اراهن الأيـام واكسـب رهنهـا

منها عرفت الفرق بين الفريقيـن=سبحان من صاغ العقول ووزنها

وان كان صح ان التجارب براهين=ضمنتها لن كان ربـي ضمنهـا

رفقة ردي المعرفة بعتهـا ديـن=على زبون " ضمّها واحتضنهـا

بغى يجيني بالثمن قلـت بعديـن=امسك فلوسك لين ننشـدك عنهـا

مابعتك الاّ سلعة" يااحمر العيـن=ابيعهـا وابيـع حتـى ثمنـهـا

والله مبي فيها ثمن لـو قرشيـن=بس المهم انـي تخلصـت منهـا


ألف شكر لك يالغالي.

لاتامـن الدنيـا تـرى وضعهـا شـيـن=مـاعــاد بـــه دنـيــا صـحـيــح بـدنـهــا

من عادة الشعراء الذي لهم تجارب وبراهين عن الدنيا يحذرون منها ومن وتقلبها

هذه أشطر لـ تركي بن حميد يرحمه الله

(دنياك لو زانت تراها نقومي) ، (دنياك لو زانت تراها مغرّا)

وفوق هذا كله الدعاء المشهور (آللهم لاتجعل الدنيا أكبر همنا)

كفو ياشاعر الجزيرة العربية كلها كفيت ووفيت

كفو يابو جميل ومن الصعب ان نعلق على قصيدة شاعر غني عن ذلك