عتيبه وسليم قاف رباعي رااائع

في أواخر حفلات الصيف

دار هذا القاف الرباعي الرائع


أسباب هذا الطاروق رغم أن الحفل كان على نهايته

قبل هذا الطاروق كان هناك موال رباعي
(صقر سليم وراضي عتقان وعويد حمدي الذيابي وحنيف الذيابي )

بدأ الموال فأستشهد في مواله عويد الذيابي بـ بيت سابق للزلامي

فرد عليه صقر سليم في مواله قائلا ( لا تحسبون الزلامي نبي وتصدقونه )


قال الزلامي مازحا وهو جالس على الكراسي ( لا تحملني أقوم وألعن ثواك )

وكانت الصفوف قريبه منه فتعالت الصيحات ( الليل يا ابو جميل علاك بسليم )

فقام ابو جميل وإستأذن الشعراء ودار هذا الطاروق

وبيض الله وجيه الأربعه أبدعوا وما قصروا





رشيد الزلامي

يا سليم خلوكم هنا لا تروحون = السالفه ماهي بدايم سلامه


مرزوق المقاطي
الشايب اللي معه سبحه وحاجون = ناوي يهجد سليم مدري علامه


صقر سليم
ما يطمع السلمان ياكود مجنون = يمكن تقوم فوق رأسه قيامه


راضي بن عتقان
لو إنكم مليون في سد مليون = والله ما حركتوا عقال العمامه


رشيد الزلامي
من عصر نسمع حكيكم وش تقولون = لكن ما تلعب علينا الرخامه



مرزوق المقاطي
إليا نغزك إبليس وإبليس ملعون = أبشر بحرب (ن) مثل حرب الرغامه



صقر سليم
صح الزلامي رجل صاطي ودندون = وإن شافنا قامت تراعد عظامه




راضي بن عتقان
..... وأنته مع إبليس مقرون =يمشي معك في نجد وألا تهامه



رشيد الزلامي
تعرف عتيبه وضعكم وش تسوون = تبكون وألا ضحكة (ن) وإبتسامه



مرزوق المقاطي
لو أن ربي حط في رأسك قرون = لا تنطح الضلعان يا أبو دلامه



صقر سليم
أضحك وأنا مسرور منكم و ممنون =وأنته تعض أصابعك فالندامه



راضي بن عتقان
حنا صقور أحرار والصقر مصيون = وألا أنت يا مرزوق فرخ الحمامه



رشيد الزلامي
العام فالحره زبيده وهارون = الكل منهم قام يكرب حزامه



مرزوق المقاطي
أنتم صقور(ن) كلكم ماتطيرون = والكل رأسه مثل رأس النعامه



صقر سليم
من الطغى خشمك مثل خشم شارون = لكن ما أدنى ما يطير عرامه



راضي بن عتقان
...........والريجيل يوحون = وأموت وأنا ما ذبحت الهلامه



رشيد الزلامي
الحب ما يتعب ليا جاه طاحون = لو رؤسكم من كبر حبحب تهامه



مرزوق المقاطي
تبا تعيش بهون وتموت في هون = ما دمت تطمع في شداد الزعامه



صقر سليم
من يطحن الحب تعرفونه وش يكون = وش خانة الرجال لولا الكرامه

شعراء مبدعين دائما

رباعية طرب ولمس اخشوم وكل الشعار فيها كفو

خاصة العود الجميل ( حرِّك تبلش ) غلطان من يقرب لظاه تصلى نار حامية خخخخخ

صحت السن الشعار الأربعة كل يقول الحميا الحميا

شكرا لك مبدع هذا القسم دائما أبوفايح صاحب الموضوعات والاطروحات في شعر المحاورة

والتي دائما تتميز بالروعة والافادة والانتقاء


تحياتي وتقديري ومحبتي لك

عودك عود صح لسااانه ولسااااان مرزوق والسلمان


مشكور على النقل

مرزوق والزلامي دواهي وكسبان من يجيبهم في حفله

وصقر عملاق

وراضي يسير في الاتجاه الصحيح

سليم القبيله الثانيه شعرا في شعر المحاوره

وهم أبناء سليم بن منصور أخو هوازن بن منصور

والشعر في قبيلة سليم في أبهى حلله دائما

شعراء سليم لا يخرج منهم الا متمكـّن

العنصريه غير موجوده على حساب الشعر في سليم

حفلاتهم خاليه من الصياح الموجود في حفلات بعض القبايل الاخرى كما أنها مليئه بـ الشعر

الحقيقه أنـّي أطرب لهم كثيرا ولـ شعراؤهم

تقديري لك يا ابو فايح

شي طبيعي ان الحفله تكووووووون رائعه ومميزة

فاذا اجتمع الشعر بحضور سليم وعتيبه حضر التميز

غير كذا وجود شيخ الشعر الزلامي الله يحفظه

كل الشكر لك ابو فايح على التميز

الله الله


قاف رباعي .. جميل


وليس غريب على سليم وعتيبه


كلهم مصدرين للشعر .. و يمتلكون شعار



و الصنفره .. رائع في اقل حالاته ..


و صقر سليم .. ولد عملاق و شاعر لا يشق له غبار


شكرا من القلب يا ابو فايح .. و انت دائما .. تتحفنا بمواضيعك الجميله و انتقائلك للطواريق جميل جدا

صح الله السنتهم جميع شعراء عمالقة ولافيهم كلام


لاهنت يابو فايح على النقل



تحياتي

شي طبيعي ان الحفله تكووووووون رائعه ومميزة

فاذا اجتمع الشعر بحضور سليم وعتيبه حضر التميز

صقر سليم


من الطغى خشمك مثل خشم شارون== لكن ما أدنـى مـا يطيـر عرامـه






شعراء كبار

و حقيقة ان صقر سليم يفحم خصمه

ألف شكر لجميع من مر وعطر الموضوع بكلماته

طاروق حماسي لاهنت ابو فايح على النقل