ياليوث ويانمور ويافهود وياذيابه

بسم الله الرحمن الرحيم

السلام عليكم ورحمة الله وبركاته

مسّاكم الله بالخير

مالكم بالطويله الرجال الطيّبه فعلهم يذكر ماينكر

هذي قصيده للشاعر / محمد بن بداح بن عشّان السهلي




يالحون العود والا يامجارير الربابه=قالها الوزن الثقيل وقلتها والنار حيّه

شاعر بطرقه وقافه نغمو لامن بدابه=مايجيب الا الطروق اللي معانيها قويّه

ياسلام الله سلام الطيب والطيّب هقابه=وجهته يم الحجاز ومصدره نجد العذيّه

عد مالاحت بروق وهل همّال السحابه=للرجال اللي وفاها في نهار وفي عشيّه

الرجال اللي تقدّر كل عاني بالذرابه=والشحم من دونه اطيب عود واطيب شاذليّه

كل عاني لا لفاهم عيّنو ماه وزهابه=الغريب مدلّهينه من بعد رب البريّه

كل من ضاقت عليه الارض لايشعب ركابه=غير لاهل الطيب والناموس ورجال الحميّه

الرجال اللي فزعها لكل من ضاقت اثيابه=من حداه القيض ياهل العرف يبشر له بفيّه

لابةٍ ياصحابنا ماهيب مثل ايّات لابه=كل قومٍ فيه حقّه لكن اعتيبه غنيّه

بن محيّا ناحي اللي للقضايا حد نابه=حلها عنده وربعه نوّخو راس القضيّه

وماجد المنعور قرمٍ ياهني منهو غزابه=حظ منهو محتزم به بالشدايد واهنيّه

من يحوش المرجله ياصحابنا بأول شبابه=يكسب الفعل الحميد ولايهاب امن المنيّه

ياليوث ويانمور ويافهود وياذيابه=كل علمٍ غانمٍ فيكم ولابه علم زيّه

فعلكم نادر ووافي عادةً مابه غرابه=فعلكم من عاد بقعا ياهل العليا صبيّه

واسمحو وان كان جا تقصير منّا ياعتابه=والله انكم من رياجيلٍ يردون الاذيّه