الزائيه لشاعر سعود بن بدر

سر يانديبي على حوض(ن) مجهز= =ماريضه من مسيره مطلع(ن) نازي

تكفون يالابتي قلب(ن) العنا فز= =فزة لوا عسكر(ن) معطينه العازي

مرسولي الوحض يومنه تنفرز= =يبعد صبي(ن) على قطع الخلا لازي

ويشفي قلوب(ن) من الديره منحز= =اللي تكسربها مثل التقزازي

حبل الشقا يوم امسه حزني حز= =وفي مهجة القلب مسمار الحشا بازي

وعزي لرجل(ن) بعد عزه تلعوز= =بعد الرساوه حصل فيه اهتزازي

انا ليا جيت ابنهض واتعنز= =مافيه حيد(ن) على البيدا عزازي

ياكثر ماخاب ضني في هل العز= =وياكثر ماصدقو بي كل همازي

وياكثر منهو من الواجب تملز= =وياكثر منهو اليا من شافني حازي

وشلون اببني جداري واتعزز= =وانا كسير ولا حد(ن) جاب معكازي

اضرس ضريس الجمل كني محجز= =واشبه كسير(ن) يشوف الكسر ماجازي

وسط الضماير توقد شعلة القز= =تلعب همومي بقلبي لعب جمبازي

حض(ن) تغير مسيره ماتمركز= =عقب الرها والغناوه صرت معتازي

انا احمد الله نشيت بمنبع العز= =مابين جدين لاجا ذكرهم فازي

البيت مني اليا قلته مجهز= =احكم لواليب قاف(ن) منطقه جازي

مزيت صاف المعاني ياعرب مز= =وافرش لبيتي زوالي نوع شيرازي

قلته ورمحي على قلبي تركز= =غصب(ن) بلا طيب غير الرمح معتازي

ون جيت ابنسى ضروفي واتجاوز= =عيا ضميري من الهاجوس ماجازي

وشلون ابسلى وابا ادله واتجلوز= =وهموم قلبي كما تشكيل تلفازي

لزيتنا يازماني لشقى لز= =وخليتنا لسباع وعما غازي

راس الجبل من هبوبه قام يهتز= =وانا احسبن الجبل معاد ينهازي

دار الفلك والجبل رمل(ن) مقوز= =وصلف الهبايب تشيل العالي النازي

وفزيت مثل اشقر(ن) من ماكره فز= =حر(ن) جفاه الزمن من ماكره قازي

في عالي الجو جنحانه تجمز= =لين انقطع من رجاه الوالي البازي

يكفخ بريشه على الجنحان ملتز= =ماله مقر(ن) على صم الصفا اللازي

كملت وصف الزمن عار(ن) من البز= =كلمة مجرب يصون القاف بنجازي

واللي بعدها معان القاف تعوز= =تعوز رجال(ن) بذكر الطيب تمتازي

روس القبايل بهم نفخر ونعتز= =ويفخر بهم من جفاه الوقت واحتازي

في قاسي الوقت موزى ومعنز= =للي جفاه الزمن موزى ومعنازي

قال العتيبي كلام الطيب موجز= =يستاهله من يشيل الحمل لارازي

الشاعر/ سعود بن بدر العتيبي
( راع الكايدة )

صح لسان الشاعر سعود


الله يعطيك العافيه ع النقل الموفق