يافهد لك داعي
سعود بطيحه04-Jul-2013, 08:26 PM
ياسلامالله عليكم يافهد فيها رطينه=يرطن الراطن بصوته ميرمابه ترجماني
يافهد مطلق عتيبي يومك تقود السفينه=تشيل ركاب من البصرة على ساحل عماني
مـحـمـد الشمري04-Jul-2013, 08:50 PM
صح لسانك سعود مع ان كن جيتك جية اللي يبي ثار
مار الله يخارج من فهد وانا معك معك عليه عليه
سعود بطيحه04-Jul-2013, 09:48 PM
صح لسانك سعود مع ان كن جيتك جية اللي يبي ثار
مار الله يخارج من فهد وانا معك معك عليه عليه
شكرا ياشمري ؟؟؟
سعود بطيحه04-Jul-2013, 09:52 PM
وين راح صديقي الغالي فهد مطلق العتيبي؟؟؟
فهد بن جميل العتيبي04-Jul-2013, 09:58 PM
مرحبابك يالخلاوي جيت والجيه ثمينه= مانعديها السلوم ولاوراها شي ثاني
اقرب اقرب لاتطيح وخابر" نيتك زينه= واللقافه ماتجوز الا لطويلين الاذاني
سعود بطيحه04-Jul-2013, 10:09 PM
لاحضر مطلق حضرناله ودققنا طحينه=الله يستر من تحاليل المحلل لاتباني
والله اناعارفيـــنه والله انا خابـــرينـــه=ناطحينه ناطحينه الو يكون الغيهباني
فهد بن جميل العتيبي04-Jul-2013, 10:43 PM
لاحضر مطلق يكفي لانظر عينك بعينه = يصحب الجسم المركب كهرباء ياكهرباني
شد حيلك يابطيحه كل قرين" من قرينه= وكل خافي في ضميرن مايخفيه اللساني
سعود بطيحه04-Jul-2013, 11:38 PM
ويش جابك يالجميل والجمالة منك زينه=جنب الحبلا وخل اللي مسببها يباني
انت عارف ابن بطحية يبي واحد بشينه=حطها في السمن ورفع لايجي فيها خناني
فهد بن جميل العتيبي05-Jul-2013, 12:10 AM
المنيحه ماعليها وسم وﻻ هي سمينه = كان تبغى العلم والله ماحدانا اﻻ الزماني
وان نشدني عن كميت اقول بحرف موحدينه = من مرات قريب وانشد من فﻼن ومن فﻼني
سعود بطيحه05-Jul-2013, 12:20 AM
القضية تطرح الرجال ويتهم به خدينه=ميرجنبها وخل فلان والله انك تعناني
يكفي انه غايب ولادخل بيت المدينه=وانت جيت ضحية وفداه ياذرب اليماني
فهد بن جميل العتيبي05-Jul-2013, 12:26 AM
هههههههههههه
مير جنبها وخل فلان والله انك تعناني
أصلح الشطر طيب
سعود بطيحه05-Jul-2013, 12:33 AM
هههههههههههه
مير جنبها وخل فلان والله انك تعناني
أصلح الشطر طيب
والله انك عارف القصد لاكن جهتني الله يجهد الشيطان
هههههههههههههه
سعود بطيحه05-Jul-2013, 12:48 AM
ماقصرة يافهد الله يصح لسانك على معرفتك وخبرتك وسلوبك الطيبه في المحاوره
ودفاعك عن ابن عمك وهكذا الرجال الله يحفظك ياغالي؟؟؟
عد الرّوى05-Jul-2013, 12:53 AM
صحت السنتكم
فهد مطلق من هو يا سعود؟
اليومين هذى كثروا اللي ينوبوا عن بعض ههههه
لا هنتوا
مطلق الثبيتي+05-Jul-2013, 03:57 AM
السلام عليكم
صحت الالسن لكن انا اجد صعوبة في قراءة الابيات المرجو الاكتفاء بوضع لامة بين الشطرين دون التنسيق المعمول به
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
