27-Oct-2006, 03:21 AM
هذه القصيده للشاعر المعروف / محمد بن حويل العصيمي في جاره طامي بن تراحيب المسعودي النفيعي
والقصة بشكل مختصر تعرض خالي / فايز بن طامي المسعودي لحادث مروري مع إبن الشاعر محمد بن حويل
وتوفى الله الشاب فايز وسلم الله إبن الشاعر عساف بن محمد بن حويل الذي نتحمد الله على سلامته
وهذا شيء أراده الله لا لأحد فيه يد وأليكم القصيدة :
البارحة فالقلب مثل اللواهيب=أزريت أحط الراس فوق الوساده
الشكر لله ثــم لطامي تراحيب=اللي تنازل عن مضنة فواده
فالحادث اللي دبره عالم الغيب=اللي تصرف حكمته في عباده
رجلٍ حكيم وماضي له تجاريب=معروف اله كسب النواميس عاده
صميدعاً من نشوته يفعل الطيب=بدنياه وأخرته عساها سعاده
دنيا ودين ومن رجال المواجيب=وزودٍ على المعروف يفعل زياده
تعيش ياستر البنات الرعابيب=رجلٍ على الطالات يقدح زناده
كريم سبلا فالليال الشلاهيب=وضد العنيد اليا تزايد عناده
أقول ياطامي عريب المجاذيب=أرجي عساها عند ربك شهاده
الله ياكتبلك من الرب توهيب=ودنياك تمشيبك طريق العباده
ربعك هل الشرفا وساع المضاريب=الهم على جمع العدا فرض أراده
في راي أخو غزوا حصان الأطاليب =راع البويضا والفخر والقياده
يوم الملاقا يشبع النسر والذيب=والخيل والله ماتداني جواده
مقعد ليا ركبوا على الفطر الشيب=يثني خلاف اللي توخر شداده
ليا درهم العيدي وروح جناديب=وثار الرصاص وصار حرب الإباده
ليا قل هوش معجلين التراكيب=يرم العشا للطير وسط الحماده
يرم العشا لمعكفات المخاليب=فعله يخسر لابسات القلاده
مايطرح ألا موردين المغاليب = في يوم مايجلا بياضه سواده
يوم القوامه والجموع المراقيب=في وقت ماكلن يحصل مراده
هذا وصلى الله على خير ماجيب=والعلم يؤخذ صامله من وكاده
في النهاية نقول رحم الله خالي فايز المسعودي والحمدالله على سلامة الشاب عساف بن محمد بن حويل
وصح لسان الشاعر المعروف / محمد بن حويل العصيمي
تحياتي
والقصة بشكل مختصر تعرض خالي / فايز بن طامي المسعودي لحادث مروري مع إبن الشاعر محمد بن حويل
وتوفى الله الشاب فايز وسلم الله إبن الشاعر عساف بن محمد بن حويل الذي نتحمد الله على سلامته
وهذا شيء أراده الله لا لأحد فيه يد وأليكم القصيدة :
البارحة فالقلب مثل اللواهيب=أزريت أحط الراس فوق الوساده
الشكر لله ثــم لطامي تراحيب=اللي تنازل عن مضنة فواده
فالحادث اللي دبره عالم الغيب=اللي تصرف حكمته في عباده
رجلٍ حكيم وماضي له تجاريب=معروف اله كسب النواميس عاده
صميدعاً من نشوته يفعل الطيب=بدنياه وأخرته عساها سعاده
دنيا ودين ومن رجال المواجيب=وزودٍ على المعروف يفعل زياده
تعيش ياستر البنات الرعابيب=رجلٍ على الطالات يقدح زناده
كريم سبلا فالليال الشلاهيب=وضد العنيد اليا تزايد عناده
أقول ياطامي عريب المجاذيب=أرجي عساها عند ربك شهاده
الله ياكتبلك من الرب توهيب=ودنياك تمشيبك طريق العباده
ربعك هل الشرفا وساع المضاريب=الهم على جمع العدا فرض أراده
في راي أخو غزوا حصان الأطاليب =راع البويضا والفخر والقياده
يوم الملاقا يشبع النسر والذيب=والخيل والله ماتداني جواده
مقعد ليا ركبوا على الفطر الشيب=يثني خلاف اللي توخر شداده
ليا درهم العيدي وروح جناديب=وثار الرصاص وصار حرب الإباده
ليا قل هوش معجلين التراكيب=يرم العشا للطير وسط الحماده
يرم العشا لمعكفات المخاليب=فعله يخسر لابسات القلاده
مايطرح ألا موردين المغاليب = في يوم مايجلا بياضه سواده
يوم القوامه والجموع المراقيب=في وقت ماكلن يحصل مراده
هذا وصلى الله على خير ماجيب=والعلم يؤخذ صامله من وكاده
في النهاية نقول رحم الله خالي فايز المسعودي والحمدالله على سلامة الشاب عساف بن محمد بن حويل
وصح لسان الشاعر المعروف / محمد بن حويل العصيمي
تحياتي
