من ذل ماقالو على الارض عاشي

السلام عليكم ورحمة الله وبركاتة
اقدم لكم هذه القصيده المتواضعه
وامل ان تحوز على اعجابكم



ان كان ابن ثامر ينوّ المطاريش= قله تراني باخر اثنين ماشي
نسري اليا نامت عيون القرافيش = مطالعة تال الشهر للمعاشي
على اقطمٍ مامرنوه الدراويش = وماوخذ بالتقسيط مدفوع كاشي
يشلع كما شيهانتٍ ضفت الريش = ولا للقدم فوق الابنص ارتعاشي
واليا وصلنا دار حمر الطرابيش = ميل ولزه عند باب الرياشي
ان قالك ياصاحبي مطلبك ويش = الشيك عده لايطول النقاشي
وسلم مفاتيحه لعمّاش وقريش = وانته تريح فوق زين الفراشي
واليا جهز حزت مطير الخفافيش = تله وجنب عن طريق العكاشي
طريقنا مع عقلتٍ فوقها هيش = جنوب حمّى يم هاك الدشاشي
واليا حصل في بعض الاشياء خرافيش = من ذل ماقالو على الارض عاشي
يازين تال الليل نطل النواتيش = اليا هبى خطو الذليل الهشاشي
لعيون راعيت القرون العكاريش = هذي طرات الروح والا بلاشي
اما نزلنا الدار من غير تشويش = والا رحلنا يم دار النجاشي

الله الله

صح لسانكـ

قصيدة جزلـــــــه ,,,,,,,,,,,,,,

لعيون راعيت القرون العكاريش = هذي طرات الروح والا بلاشي

اما نزلنا الدار من غير تشويش = ولا رحـلـنـا يـم دار النـجـاشـي


صح لسانك يا راع العلطا

جزله من جزل

...
.
جزله من جزل لاهنت ياراع العلطا ....
.. مليون صح لسانك ...

راعي العلطا

صح اللسانك .. ابدعت ابدعت

" " "

شهادتي مجروحـــه

جزله من رجال(ن) جزل

لاتحرمنى من جديدك

الله الله صح السانك ولاقصرت بيض الله وجهك قصيده جزله وتستحق الإطراء . مشكووووور

ابو بجااد الرويس صح بدنك ولاهنت

دريد بن الصمة مرحباا بك

مرزوق العتيبي هلاابك


كعاام المعادي ماعليك زود وانا اخوك


راع البلهااا ارحب صح بدنك




اخواني تشرفت بمروركم ::::::::::تحياااااتي؛

راع العلطا جزل جزل جزل

صح لسانك ..

ابداع غير مستغرب

:)

مخلف الهقاوي مراحب مشكور على المرور