بداية عضو محاورة

سلام الله سلام الضيف لاوصل المعازيبي
على وضح النقا المجرود والتسليم نبديبه


أبا أشارك مع الهيلا بمجهودي على الطيبي
أنا شاعر وشعري مع رجال العرف أماريبه

هلا يامرحبا ترحيب ما يدخلبه العيبي= تراحيب الوفا للضيف في حلة معازيبة


ولانته ضيف يامسعود والله عالم الغيبي=بمد ايداك تجزاك العرب ماجابهاريبةا

يدوم لك البقا مابان نجم ونجمن يغيبي
يدوم لك البقا ياصحيب يعرف سلم اصاحيبه
ياراعي مدركه بثي ترا ماهوب تجريبي
نسولف مع رجال العرف وانت الطيب تحريبه

انا مبغاك تفطن للشماغ وتحته الشيبي=علاك بضلعاً اله اربع سنيناً عاوياً ذيبه



انا في سوقها والسلم عانه داخل الجيبي=ولا سوم الرخيصة والغلا عارف هناديبة

انا مابغاك توصيني وانا اعرف المناصيبي
ترا عزام يازيزوم صيده من مخاليبه
بعد هلت مزون الوسم فاضن الاشاعيبي
وابو عرام في سد القرى يحمى مشاهيبه

انا عارفك ياصقراً عشاه من المخاليبي=ولاكن طولت تمرتك ياعزام في العيبة



انا عهديبهم ينخون مكملة المواجيبي=واشوف المزن في عالي القرى ومسيل اشعيبة

سمعتك في نفود السر للعالم تماريبي
وبعد ماجيت دارك ليه تنسا من تماريبه
وصلنا للنهايه ولك تقديري وترحيبي
ومقابيل الليالي صاحبك يطلع وتدريبه

توقع ياعتيبي الناس تدريبك وتدريبي=ترى الحساد تفرح بالخبر لو ماهو مصيبة

اشوفك راح همك لابن عمك والمكاتيبي=ولا تقرى حروفاً ماذكرها في مكاتيبة

انا سيفن على العدوان يازيزوم تغزيبي
ومثلك نعتزيبه والعدو نكسر عراقيبه
ترانا من قبيله من عطاها شمخ النيبي
تحط العود في عين المعادي لأجل تاديبه

هذا من طيب راسي لانخيت اعيال ابن ذيبي=يبا يجيك العتيبي صبح شايل في مشاعيبة


وصلك العلم يامسعود اعرفك منت مصخيبي=وانا شرواك لوازعل علاه اقول ما صخيبه

مسعود بن جحيش الغبيوي ,,, الله الله الله الله

هذي البدايه ما شاء الله

زيزوم على ما قيل زيزوم


استمتعت يوم قريت القاف هذا

استمتاعنا الحقيقي بمرورك العطر

شكرا يالشاعر سند العتيبي على هذا المرور وأتحفنا من روائعك