ياماحـلا المسـرى مـع طــرة الـنـور ......

هذه قصيدة ... قالها لي واحد وقلت له صح لسانك وقال لي صح بدنك .. بس .
:):)
ياماحـلا المسـرى مـع طــرة الـنـور
من قبل خيط الشمس يبـدي شعاعـه
مـع رفقـةٍ مافيهـم اللـي بـه قـصـور
ربــعٍ تـربـوا عـالـكـرم والشـجـاعـه
كـل واحـدٍ فيـهـم مـجـرّب ومخـبـور
مـاشـاور الحـرمـه بـخــوة ربـاعــه
لا جــا لـــزومٍ مايـصـفـون بـالــدّور
كــلٍ بــذل مجـهـود قــدر استطـاعـه
أميـرهـم يـهـتـم بـالــرّاي والـشــور
دايــم يـــدوّر ويـــن راي الجـمـاعـه
لا صرت عنده كنـك بعـش عصفـور
مـابـاقـي الا يـوكّـلـك فـــي ذراعــــه
لاجيت اقول اسمـه اسميـه منصـور
كــلٍ يعـرفـه مــن طـيــور البـتـاعـه
شيل الشوازن والفشق معهم صقور
وحمـام لا صـاروا طيـورك جـواعـه
موترك جيبٍ خلفـه العفـش مجـرور
يسوقـه الـلـي خــاف ربــه وطـاعـه
وجمسٍ محمل ما ركب فيـه مطيـور
هـو منـوة اللـي مـات قلـبـه وبـاعـه
عفـشـك مكـمّـل فـيــه زلٍ ومـاطــور
وبيتٍ من (القاضـي) جديـدٍ شراعـه
وعــدة المطـبـخ بـيـن قـــزٍ وتـنّــور
وحـوايـج واغــراض فيـهـا نـفـاعـه
ورز(المهيدب) مع سكاكيـن وقـدور
واحرص علـى الطبّـاخ كمّـل متاعـه
ونـجـرٍ ومحـمـاسٍ ودلّـــه ودافـــور
وبــنٍ وتـمـرٍ يـغـري الـلـي شبـاعـه
تنـزل بـروضٍ تـوّه الـيـوم ممـطـور
والغيم عقـب الشمـس تـم انقشاعـه
الـبـر حـولــك كـلــه ورود وزهـــور
وقـت الربيـع العـشـب زاد ارتفـاعـه
حتى الرمل تشتـم لـه ريحـة عطـور
والقـاع خـضـرا كــن فيـهـا زراعــه
معك خروفٍ مايبي ضـرب صاطـور
اذا ذبـحـتـه عـلّـقــه مــــن كــراعــه
احمـس بصيلـه والمعاليـق عالفـور
مـن طعمـه الجوعـان ياكـل صباعـه
من عقـب هـذا مـا تبـي طـب دكتـور
كانـك مريـضٍ صـار عـنـدك منـاعـه
حنّا بنعمـه بـس تبـي حمـد وشكـور
وحفظ الصلاة الخمس ويّا الجماعـه
مـا تغتنـي لـو تملـك المـال وقصـور
لا صـرت مـا تملـك كـنـوز القنـاعـه

:):confused::):rolleyes::):p

صح لسانك اخوي
والله انك جيت على الجرح ودي اكشت في البر لكن ماش اجازه

اجود

صح لسان قايلها مني

ومنك ومن يسمعها

ولك تحياتي..