الســعيــدي >>> لولا حشمة الهذلان .

السعيدي ليا جيته يعوّد وراه = قبل نزعل على الهذلان يا الأجودي

إن ذكر ربه الليلة وصلى الصلاه = يسلم الموت الأقشر قبل ما ينحدي

السعيدي حشيم ولايضر حدداه ==== البلا منك يانجم السما يالجدي


واقفه للهبايب ياجبال السراه ==== السوالف سوالف والبساط احمدي

والله يالربع اني مدري ليش انحذف الموضوع اللي قبل شوي؟


الدعوة محاورة وعلوم رجال


لكن ليت اللي حذف الموضوع يقول لي لو على الخاص وش السبب؟

أستأذن لأداء الصلاة وراجع بعد الصلاة إن شاء الله .



السعيدي يدوّر شر عند زملاه = مير جاه السحاب اللي يرش بردي

من يدور قشر .. نزعل ونلعن ثواه = ليت يفهم كلامي...يفهم المقصدي

ياعتيبة هذالرجال وشهو بلاه؟؟ ==== كل ماجيت اباهاديه مايهتدي


العلوم الرّخيصة وقعها فالصفاه ==== النّقا للسنافي والردا للردي

صح لسانكم يالشعراء

مبدعييين

السعيدي ينادي من يلبي نداه = يا عتيبه عشاكم جاهز ٍ في يدي

من دخل وسط سوق البيع ياخذ جزاه = جاه قسمه وهاذي رد للمعتدي

حيا الله مستشار القبيلة .

صح بدنك , ومشكوووور على مرورك يالطيب .

انت وش جاك منّي يالشويعر هذاه ==== اشردي يالمجنّن عن شهار اشردي



وارد العدّ واشرب وارتوي غزر ماه ==== اشهدي ياعتيبة لا وردت اشهدي

صح لسانك يا فواز , نكتفي بهذا القدر .

النعاس قام يغلبني عشان ما أخذنا قيلولة حزة الظُهر .

الجايات أكثر إن شاء الله .

صح بدنك يالنشمي


وفمان الله

صح الله السنتكم

وراكم ما كملتوا

قـادح شــرار:

السعيدي ليـا جيتـه يعـوّد وراه = قبل نزعل على الهذلان يا الأجودي
إن ذكر ربه الليلة وصلى الصـلاه = يسلم الموت الأقشر قبل ما ينحدي



السعيدي :

السعيدي حشيم ولايضر حدداه ==== البلا منك يانجم السما يالجدي


واقفه للهبايب ياجبال السراه ==== السوالف سوالف والبساط احمدي


قـادح شــرار:

السعيدي يدوّر شـر عنـد زمـلاه = مير جاه السحاب اللي يرش بردي
من يدور قشر .. نزعل ونلعن ثواه = ليت يفهم كلامي...يفهم المقصدي



السعيدي:
ياعتيبة هذالرجال وشهو بلاه؟؟ ==== كل ماجيت اباهاديه مايهتدي


العلوم الرّخيصة وقعها فالصفاه ==== النّقا للسنافي والردا للردي


قـادح شــرار:

السعيدي ينـادي مـن يلبـي نـداه = يا عتيبه عشاكم جاهز ٍ فـي يـدي
من دخل وسط سوق البيع ياخذ جزاه = جاه قسمـه وهـاذي رد للمعتـدي



السعيدي:

انت وش جاك منّي يالشويعر هذاه ==== اشردي يالمجنّن عن شهار اشردي



وارد العدّ واشرب وارتوي غزر ماه ==== اشهدي ياعتيبة لا وردت اشهدي