تكفون وصلوها لفنجال

هذي قصيده متواضعه مني لفنجال الشيباني بمناسبة حصوله على جائزة الملك عبد العزيز لنخبة النخبه في مزاين الأبل طبعا لاننسا أن نبارك من هذا المنبر لبقية الفائزين سواء كانوا عتبان أو من قبيله أخرى ......

ياســـايق الفنجال عـــده لفنجـــال .... بده على اللي يشربون الفناجيـــــل
قد قالها قبلي من الناس من قـــال .... حقً يقال ولايجــي فيــــــه تأويــــل
يطربني الناموس وأسوق مـــــوال .... موال يكفي عن جميع المـــواويـــل
نوخت به شعري وكيلتــه كيــــــال .... وأرسلته لفنجال عبر المراسيــــــــل
فنجال بن سلطان ياطيــب الفــــال .... يالي بفعلك كاسب الطيب بالحيـــــل
شيخً بفعلك تنضرب فيـك الأمثـــال .... وربعك عتيبه تفتخر فيك وتشيـــــــل
بنيت لك في ساحة الطيب تمثـــال .... ورسمت لك في صفحة العز تشكيل
ونسلت لك سيفً على الضد قتــال .... ومثلتنا يوم اللقى خيـــــر تمثـــيـــل
يوم أجتمع كلً معــــه ذود يختــــال .... وقت المزاين بالجمال المـــكاميــــل
أحدً يسوق من الدراهــم والأمــوال .... وأحدً لقالــه من معزبـــه تمويــــــل
وأحدً ورثها من على وقــــت وأزوال .... من ماضـــي الأعوام لأجل المقابيل
شدوا محازمهم وساروا على الحال .... ألموقفً مال الردي فيه تحصيــــــل
مايحتزم له غير ذربين الأفعــــــــال .... أمثال أبن قشعان نسل الحلاحيـــل
وأمثال أبن حجنه ونعمين رجــــــال .... رجل المواقف كاسب النعم لاقيــل
وأسمك يأبو خالد على الطايله طـال .... يومن بعض الناس ماعاد به حيــــل
عتبان والأقوال تتبع بالأفعـــــــــــال .... من ماضي الأزمان جيل بعد جيــــل
ألنخبة النخبه غزوا مثل الأبطـــــال....وحطوا على العليا حدود ومداهيـــل
في مركز القمه ولا عنه محـــــوال....وخل البقيه تحت في جرت السيـــل
تم البيان وكلمت الحق تنقـــــــــال .... والمعذره كان العدد فيه تقليــــــــــل
وسلامتكم

يستاهل المدح والناموس فنجال ...

وصح لسانك يازايد المرشدي ...والله يعافيك ..

وان شاء الله ..الاخوان المقربين من فنجال مهب مقصرين معك ..

لاهنت ..ولاتحرمنا ابداعك ...

ياســـايق الفنجال عـــده لفنجـــال =بده على اللي يشربون الفناجيـــــل
قد قالها قبلي من الناس من قـــال =حقً يقال ولايجــي فيــــــه تأويــــل
يطربني الناموس وأسوق مـــــوال =موال يكفي عن جميع المـــواويـــل
نوخت به شعري وكيلتــه كيــــــال =وأرسلته لفنجال عبر المراسيــــــــل
فنجال بن سلطان ياطيــب الفــــال = يالي بفعلك كاسب الطيب بالحيـــــل
شيخً بفعلك تنضرب فيـك الأمثـــال =وربعك عتيبه تفتخر فيك وتشيـــــــل
بنيت لك في ساحة الطيب تمثـــال =ورسمت لك في صفحة العز تشكيل
ونسلت لك سيفً على الضد قتــال =ومثلتنا يوم اللقى خيـــــر تمثـــيـــل
يوم أجتمع كلً معــــه ذود يختــــال = وقت المزاين بالجمال المـــكاميــــل
أحدً يسوق من الدراهــم والأمــوال =وأحدً لقالــه من معزبـــه تمويــــــل
وأحدً ورثها من على وقــــت وأزوال =من ماضـــي الأعوام لأجل المقابيل
شدوا محازمهم وساروا على الحال =ألموقفً مال الردي فيه تحصيــــــل
مايحتزم له غير ذربين الأفعــــــــال =أمثال أبن قشعان نسل الحلاحيـــل
وأمثال أبن حجنه ونعمين رجــــــال =رجل المواقف كاسب النعم لاقيــل
وأسمك يأبو خالد على الطايله طـال =يومن بعض الناس ماعاد به حيــــل
عتبان والأقوال تتبع بالأفعـــــــــــال = من ماضي الأزمان جيل بعد جيــــل
ألنخبة النخبه غزوا مثل الأبطـــــال =وحطوا على العليا حدود ومداهيـــل
في مركز القمه ولا عنه محـــــوال =وخل البقيه تحت في جرت السيـــل
تم البيان وكلمت الحق تنقـــــــــال = والمعذره كان العدد فيه تقليــــــــــل



يستأهل فنجال الشيباني المدح


زايد المرشدي صح لسانك


تحيتي

يستاهل فنجال الشيباني عز الله انه مشرف القبيله


صح لسانك يا ذيب



تحياتي

هايل العتيبي
بناخي الأيدا
أبو مصلح

بيض الله وجيهكم وصح أبدانكم

يستاهل فنجال

وصح لسانك يازايد



هل فيه قصيده للشاعر حبيب العازمي شبيهه لهذه القصيده أو أنا غلطان

يابو نواف طال عمرك القصيده هذي مجاراه لقصيدة الشاعر خضير البراق التي غناها حبيب العازمي

لو ركزت في أول بيتين مايحتاج تسأل

يابو نواف طال عمرك القصيده هذي مجاراه لقصيدة الشاعر خضير البراق التي غناها حبيب العازمي

لو ركزت في أول بيتين مايحتاج تسأل

مع جزيل الشكر على المرور

صح لساااااااانكـ

صح لساااااااانك يازياد

حاكم الغنامي بندر المرشدي

صح أبدانكم
على فكره يابندر أسمي زايد مهوب زياد