حماسيه اباغيث العتيبي

مساك الله بالخير


يالعتيبي كان لك قدره تصدا=قوم عجل يالعتيبي في مقامك
قوم تالي الليل ياندن لندا=والله اني الوقت لاحدك وضامك

مساء النور والسرور


يالجوازي لاتعدا لا تعدا =قبل ما ترمي علينا بسلامك
كان عندك ذرة فيها تحدا=مير شد الحيل ثم أربط حزامك

الحماسيه لها مليون مبدا=يالذي تفرض على الناس احترامك
مير حظك وش بلا حظك تردا=ويش جاك ووش بلاك ووش علامك

الحماسية لها عشقاً وسعدا=مير لاتجرم وتخرج من صيامك
حظي الطيب تعلى واستعدا=في علو المجد ما حسب كلامك

يالعتيبي للبحر جزرن ومدا=مير عجزن لايشيلنك عظامك
انت حظك ويش جاب وويش ودا=دام فعلك مايحققلك مرامك

الله الله


صحت السنتكم جميعكم مبدعين



متابعين

اهلا بمرورك يابو مصلح

يالجوازي للبحر غبة وبدا =مانت قادر تسبحة ضاعت علومك
خابرك تفطر ولا تقبل تغدا=كيف تفطر بعدما ضاعت سلومك

[color=#000000]العذر واسموحة يالجوزاي تأخر ردك



الخوافي يالجوازي ما تبدا =وانت بينت الخوافي مع نجومك
الحرار الشقر لاراحت بصيدا=ما عليها من مغازيك وسهومك