سويّت قرعه بين وصلـك وفرقـاك=ورست على فرقاك .. وألاّ أنت غالي(سداح العتيبي)

سدااااااااح العتيبي


ما أمداك تنساني ولا أمداني أنسـاك=ماغبت عنـك ألاّ .. ثلاثـة ليالـي
وأن قلت لي يمديك والله ما أمـداك=مسرعك تجفانـي وتبعـد مجالـي
ثلاث .. مرّنـي بذكـرك وطريـاك=وحطّن طيوفك بين فكـري وبالـي
جمعت فيها الشوق وأرسلته وجـاك=وعرّضت مرسولي هبوب الشمالـي
وقامت تسوق الشوق .. مناّ ومنّاك=من سبّتك واللي جرالـه .. جرالـي
أتلا العهد بك يوم صافحـت يمنـاك=وحلّفتني لا أقطع حبـال الوصالـي
وأنا على حلفك وعرفـك ومعنـاك=وأثرك على ماقيل .. يـا هملاّاالـي
رحت اتخيّـل نـور طلّـة محيّـاك=وأرسم وأبروز صورتك في خيالـي
سلبتني عقلي .. وأنـا وافـي إدراك=تقول مالي راس .. يـاراس مالـي
تبّـت يديـن الشـك جابـك وودّاك=وخـلاّك تتركنـي وحيـد ٍ لحالـي
مدري غشاك الكبر يوم أنّي أهـواك=وألاّ موافـق لـك حبيـب ٍ بدالـي
اللي على لساني وصلـك وتعـداك=واللي في صدري كلمة ٍ مـا تقالـي
أزايـم اللوعـات وأقـول تـفـداك=يا كثر ما شالـت قلـوب الرجالـي
اللّه يساعدني علـى طـيّ ذكـراك=يا اللّي تراودني علـى مـا طرالـي
سويّت قرعه بين وصلـك وفرقـاك=ورست على فرقاك .. وألاّ أنت غالي

منقول

صح السان سداح وسلمت يافيصل ع النقل

صح لسان الشاعر وسلمت يد الناقل

مشكور يابو منيف

صح السان سداح وسلمت يمينك يافيصل على النقل..

صح لسان الشاعر الكبير سداح

لاهنت على النقل الجميل

أبدعت فيما تنقل ... لشاااعر كبير









لاهنت على نقلـــك الرااااائع ...وصح لساااااان سداااااح

الله الله


صح لسان سداح


ولاهنت يافيصل على النقل

سداح .. صح لسان سداح العتيبي \\

وصح لسانك يابو منيف على الاختيار الرائع ..

تحيتي
..