حيا الله راعي الزلفي

سلام ماهب الهوا من شرق ولاّ من شمال =رديةٍ ياطيبها تمشي على قانونها
ان كانه راعي الزلفي اقريّب قولوله تعال = بيني وبينه سالفه ياكودها ياهونها

.
..

الله الله

صح لسانك يا باروود

وصح لسان راعي الزلفي مقدما ً

صدر البيت الثاني ما جاء معي أبدا ً أبدا ً :)

يمكن ما عرفت اقراه

متابع

.
.
.



















تحياتي لكمـ ،،

هلابك باحمد معك حق لكن خل البعارين تمشي ويسمح الدرب بعدين

إسمح لي يابارود أنوب عن أخوي راعي الزلفي

استلم لاهنت



يامرحبا بك بالنيابه عن كريمين السبال = رديّة ٍ عنوانها ياصاح في مضمونها

هات الخبر مادام جا لي معك يالصاحب مجال = وانته من اصحاب ٍ تنومسني بجرّ لحونها

دام البقا ياذيب ياللي معرفتكم راس مال = وليله سطع فيها القمر كل العرب يسرونها
ادحم ابجنبك مثل ماتدحم على الحوض الجمال = واللقمه اللي بالغصيبه طلعت ابطاعونها

اكرب حزامك صبرنا ياصاحبي بالحيل طال = واهل الوفا والجود لو طال الدهر ما خونها

الحيّه ام جنيب ماتمشي على الدرب العدال = ماهيب مرتاحه يالين تذب سمّ سنونها

صار الكرم ياصاحبي لمعه ورزٍٍ فالدلال = وبن اليمن مافاح فيها ليتهم يكفونها
مليت من يصفق بمسباحه على يالالي لال = وناسٍ ورا الحروه وناسٍ يارفيقي دو نهانها

أدري وتدري والعرب يدرون مافيها جدال = هذي حقيقه ليتهم ياصاحبي يرضونها

اللي ماهو قدّ الحمل شفنا الحمل بالجنب مال = الظاهر ان القوم يابارود عمي عيونها

يافري قلبي واغبوني كان طوّل هالسجال = وكثرت مغاريف الهنود الحمر في ماعونها
لوهو بكيفي كان حطيت الرشا فوق المحال = وانته تزور البيت والكعبه تعرف اركونها

الله الله


كثروا خطاطيب الهنوف أم الدلع وأم الدلال = ليت النصايح والحكم من عودنا يوحونها

انا اعرف البارود مايصبر سريع الاشتعال = ناس ٍ تكحّلها وناس ٍ يارجل يعمونها

طيّب طيّب طيّب


يبعّدون اهل البلد ويقرّبون السينقال = وانته وانا نعرف هبوب القايله وسكونها
واللي يحلّي بعضهم ماهوب عجل الانفعال = مار الحقيفه لامتى بعض العرب يخفونها

استلم مسك الختام وصح لسانك يابارود ولنا لقاء قادم إن شاء الله


البحث يابارود جاري والتحري لايزال = عن الذي يوم احتمى الموقف فقع بالونها

كد قيل والعهده على الراوي كلام ٍ ما يقال = ولله حكمه بالغه فيما جرى لشارونها

ماهوب مسك ذا (كمبودي )استفدنا منك كثير واستمتعنا اكثر الى لقاء اخر ان شاء الله