& قبيلتي قحطان وابكي عتيبي &

تحيه طيبه وارجو ان تنال اعجابكم .

كان الشاعر حمد بن سعد بن سعمان من قبيلة قحطان ساكنا بجوار امير اللواء الثامن باالحرس الوطني

الشيخ / محمد بن مناحي الهيضل ؛ وقد كان بينة وبين الشيخ مواقف عديدة .

وفي احد الايام كان حمد متوجها لزيارة الشيخ محمد بن مناحي الهيضل ؛ وفي الطريق صادف شخص يقال له

نعيس بن جارالله وقد بدا على نعيس الحزن الشديد والتأثر البالغ ؛ فسأله الشاعر حمد عن الامر ، فأجابه

بوفاة الشيخ محمد بن مناحي الهيضل ، رحمه الله رحمة واسعه ، فتأثر حمد بذلك كثيرا وبلغ به الحزن مبلغه

وقد مر على قبر الشيخ وتجددت احزانه وقال هذة القصيدة

يا لله ياللي فوق خلقه رقيبي = يا مدبر (ن) كل المقادير باسباب
عنا على الدنيا والامر المصيبي = واغفر لنا يا اللي على العبد تواب
امس الضحا غافل وقلبي مغيبي = واوحيت حس مصيحا (ن) صاح مرتاب
قلت الخبر قالوا فراق الحبيبي = قالوا محمد ميتا (ن) والقدر صاب
فريت فرة مستخفا (ن) رعيبي = وجضيت جضة من كلا رجله الداب
والصدر بالعبرات ينحب نحيبي = والدمع من عيني على الخد سكاب
قبيلتي قحطان وابكي عتيبي = ابكي على ريف النشاما بعد غاب
ما دبر الله كان غصب (ن) وطيبي = ولا احد (ن) بحكمة له نكيف (ن) وطلاب
مرحوم ياللي ما شكاه القريبي = ولا شكوا منه الرفاقه والاجناب
سهل الجناب ومحضره ما يغيبي = له مجلس (ن) يرده عيال (ن) وشياب
يامر لهم بمهيلات (ن) وطيبي = دايم دوام وراعي الكيف صباب
ويدني خويه بالمكان القريبي = ما يتركه محقور يجلس ورى الباب
والى هرج كل (ن) لهرجه يجيبي = ما فيه من بعض القشر زود وارهاب
شيخ (ن) ولد شيخ (ن) وساسه عريبي = والطيب له من ساس جده والانساب
ماله جنيس (ن) كود حلو الحليبي = امن الملا ما يكرهه كل شراب
عساه بالجنات ما له حسيبي = والحور يلقنه بفزه وترحاب

دريد
تسلم يمناك على المشاركات الجيده
تقبل تحياتي

دريد ابن الصمة

سجل اعجابي بماتطرحه من مواضيع..

ورحم الله الشيخ محمد بن مناحي



فرهودي،،

اخوي الغااالي (( الدلبحي ))

وانت سااااااالم وغاااااانم يابن العم


والله لايحرمنا من مرورك الكريم




ولك خااااالص تحياتي

الغااااالي فرهودي ....


اعجااابك ومرورك على المشاركة



وسااااااام شرف لي واعتز به كثيييييرا


ولك مني اجمل تحية

مااااااااااااااااااااااااااااااااااااااااقصرت بس اللون مو شي

أخوي دريد شكراً على هذه القصه والقصيدة الرائعه بالفعل



لاهنت طال عمرك


وأسمحلي أعيد كتابتها بلون واضح حتى تكون واضحه للجميع





يـا لله ياللـي فـوق خلـقـه رقيـبـي=يا مدبـر (ن) كـل المقاديـر باسبـاب
عنـا علـى الدنيـا والامـر المصيبـي=واغفر لنا يا اللـي علـى العبـد تـواب
امـس الضحـا غافـل وقلبـي مغيبـي=واوحيت حس مصيحا (ن) صاح مرتاب
قلـت الخبـر قالـوا فـراق الحبيـبـي=قالوا محمـد ميتـا (ن) والقـدر صـاب
فريـت فـرة مستخفـا (ن) رعيـبـي=وجضيت جضة من كلا رجلـه الـداب
والصـدر بالعبـرات ينحـب نحيـبـي=والدمع من عينـي علـى الخـد سكـاب
قبيلتـي قحـطـان وابـكـي عتيـبـي=ابكي على ريـف النشامـا بعـد غـاب
ما دبر الله كـان غصـب (ن) وطيبـي=ولا احد (ن) بحكمة له نكيف (ن) وطلاب
مرحـوم ياللـي مـا شكـاه القريـبـي=ولا شكـوا منـه الرفاقـه والاجـنـاب
سهل الجنـاب ومحضـره مـا يغيبـي=له مجلس (ن) يرده عيـال (ن) وشيـاب
يامـر لهـم بمهيـلات (ن) وطيـبـي=دايـم دوام وراعـي الكيـف صـبـاب
ويدنـي خويـه بالمـكـان القريـبـي=ما يتركه محقـور يجلـس ورى البـاب
والى هـرج كـل (ن) لهرجـه يجيبـي=ما فيه من بعض القشـر زود وارهـاب
شيخ (ن) ولد شيخ (ن) وساسه عريبـي=والطيب له من سـاس جـده والانسـاب
ماله جنيـس (ن) كـود حلـو الحليبـي=امن المـلا مـا يكرهـه كـل شـراب
عسـاه بالجنـات مـا لــه حسيـبـي=والحـور يلقـنـه بـفـزه وتـرحـاب

تحياتي ..