أقرب شاعر يتفضل

الشعر فتل ونقض بيت(ن) على بيت =لاقام صفين والرحلة مدية


سبحت انا فالبحور السبع مازريت = ياكم سبحنا بها صبح وعشية

صح لسانك وننتظر قبيلك

لم نحدد احد


اقرب شاعر


ناخذ معه طاروق

افا وين شعار الهيلا


يعني ارد عليها بنفسي


و الا

رد من الشاعر نفسه




الشعر فتل ونقض ياللي تعنيت = كم شاعر(ن) لابدع يحرج خويه


سبحت فبحورها وقبلت وقفيت = ومشي مع أهل الوفاء رجلي جرية

انته علامك يارجل ماتدريت= الظاهر انك فاقد المعنويه

الرعب يأتي بالعجب وانت ذليت= من طير شيهان(ن) يطش الشويه

انته علامك يارجل ماتدريت= الظاهر انك فاقد المعنويه

الرعب يأتي بالعجب وانت ذليت= من طير شيهان(ن) يطش الشويه




استلم يالثعبان :


لا والله أني في طريقي ما زليت = لكن وين التمر و الشاذليه

الذيب في أعلى الرجم يا راعي الصيت = يرقب هل الميقاف و النار حيه

على الرحب لن رحت ياهيه وان جيت= ابشر الك بثنوة عصيب رضيه


الحي يحيي والغبن يرثه ميت= هات الخبر والذيب جا ذيب زيه

على الرحب لن رحت ياهيه وان جيت= ابشر الك بثنوة عصيب رضيه


الحي يحيي والغبن يرثه ميت= هات الخبر والذيب جا ذيب زيه




شاعر مع أهل الشعر أنا خذت و أعطيت = ما ألد عيني للعلوم الردية

أنا بنيت البيت لا تهدم البيت = نبغا نعرف اسمك و اعرف الهويه

صخ لسانك ياالغالي ولاهنت واستلم

مااقول فيك قصور والنعم ياالشيت= جاك الشحم ماجاك نقص وخطيه


امشي بعلم الطيب ما والله اخطيت=وانا عتيبي من رجال الحميه

صخ لسانك ياالغالي ولاهنت واستلم

مااقول فيك قصور والنعم ياالشيت= جاك الشحم ماجاك نقص وخطيه


امشي بعلم الطيب ما والله اخطيت=وانا عتيبي من رجال الحميه



صح بدنك

استلم استلم



صحيح شع النور من داخل الليت = يبقى علوم(ن) في ضميري شويه

لو نمدح عتيبة مية عام ما أوفيت = برقا و روقه كاسبت كل هيّه

الليل الليل

يالثعبان

صح لسانك واستلم لاهنت



شع بوجود اللي لهم بالعلا صيت= لكن عجل بالعلوم الطريه


صحيح ماقلته وانا ماتناسيت= راع المطيه حث سير المطيه

صح لسانك واستلم لاهنت



شع بوجود اللي لهم بالعلا صيت= لكن عجل بالعلوم الطريه


صحيح ماقلته وانا ماتناسيت= راع المطيه حث سير المطيه



استلم استلم



جهز وصل إن شفتني قمت صليت = كم حسنة(ن) تذهب ثمانين سية

ثعبان لكن قول لي ويش سويت = تمسي و تصبح بين شمس(ن) و فية

الاخ الفاضل الشاعر القدير فهد رحيم جزيت خيرا وكفيت ووفيت وابدعت فيما كتبت ولكنني استأذنك لدي دوام ونكمل ان شاء الله غدا فالى الملتقى استودعك الله وتصبح على خير ياالغالي

الاخ الفاضل الشاعر القدير فهد رحيم جزيت خيرا وكفيت ووفيت وابدعت فيما كتبت ولكنني استأذنك لدي دوام ونكمل ان شاء الله غدا فالى الملتقى استودعك الله وتصبح على خير ياالغالي



وانا مثلك عندي دوام لكن حبي لهذا الفن المحاورة جعلني ابدع في هذا الوقت



اشكر ك اخي جزيل الشكر وتصبح على خير



أبو فيصل

أبدعتوووووو وآنستوووووو



الشاعران فهد والثعبان ..



أحس إنً الشاعر فهد كل مابناله عمد .. بنا الثعبان وبنا عمد اقوى منه ..


والعملية متتابعه



تحيتي للجميع

مساء الخير يالغالي واستلم


الله واكبر يذهبن العفاريت=ياطيب فرضك كان من صدق نيه


ليا ذكرت اسمي من النوم فزيت= بطنك يخضك كل صبح وعشيه

فهد والثعبان



ابدااع


وصحت السنتكم والله

أبدعتوووووو



الشاعران فهد والثعبان



الله يعطيكم العافيه على هذا الطاروق

اشكر الاخوان الافاضل الذين اتحفونا بمرورهم المشرف لهم مني كل الشكر والتقدير