اللي يتقدم الله يحييه

سلام تسليمت(ن)تنصي كرام الرجال =اقولها واكثر العربان قد قالها
الله يجيب الفرج والخير في كل حال=والناس تعرف مواقفها ومنزالها

يا مرحبا يا هلا و العود يقفى الدلال=و اهل الوفا و الكرامه نكرم سبالها
آآمين لو كان راس السالفه ما يزال=يسرح و يمرح يبو صالح و را جبالها

الله الله ...

العطاوي : صح لسانك ولاهنت ..

الراي السديد : خير من يرد عليه .. وصح لسانك.. ولايهونون الحاضرين ..!!!

متااابع ..!!!

ارحب تراحيب المطر يا الدجيماء


و الله يحييك


و انت خير من يمثل الناس الطيبين

دام البقا يالمرحب وانت ضمن العيال=اللي ليا جا نهار العلم خيالها
تبا تبين السوالف كان طال الجدال=والرجل لامن بغاله حاجتن نالها

الدجيما


صح بدنك


ولاهنت علي المتابعه

ترا هَلَ الغرب ما تعرف مقام الريال=لكن خلك على الدله و فنجالها
انته تحب النصر و الّا تحب الهلال=هاذي سواليف قومٍ خايبٍ فالها

صحت الالسن والقلوب

والصف صفك يابو صالح

الراي السديد انت من اليوم تروح وترجع على الهلال والنصر ههههههههه

طيب طيب يا شبل


خل بو صااالح ينفعك




يا الدجيماء افزع الصف لا يموت

صحت الالسن والقلوووب ... الراي السديد في صفك .. نعنبو من يردك .. مادام الشبل راح مع العطاوي ..!!!

لاهنتم .. متااابع ...!!!

ايه حي ذا العين


الله يحييك و لا يهمك شبل و صفه


ما دام معاي الدجيماء كل شئ ن يهون

الغرب مافرقت بين الحرام وحلال=تاكل وتشرب من اللي صارفي بالها
هذا هو اللي نكبنا طول ماض الليال=اعرف مخاريجها قدام مدخالها

شبل مرجحين الموازين


صح بدنك


وحضورك شرف ونوماس


لاهنت

الغرب مافرقت بين الحرام وحلال=تاكل وتشرب من اللي صارفي بالها
هذا هو اللي نكبنا طول ماض الليال=اعرف مخاريجها قدام مدخالها


كلام كلام .. صح لسانك .. وفي انتظار الراي .. لاهنت ..!!

ما نيب مجبور في عادل و عمه جمال=الظاهر انّي بروّح مالي و مالها
لا صار قَصْرَ السوالف فوق جرفٍ هيال=يمكن يطيح القَصَرْ لا دق زلزالها

مال الحمول الثقيله غير ظهر الجمال=وصحيبنا لابرك للحمله اشتالها
القصر ثابت علي السيسان يابو كمال=ولنته بعم البنيه مانته بخالها

اهدر بها يا جمل و الليل عقبه ليال=عينك على حملتك لا تقطع حبالها
دام الاجابه بعيده عن حدود السوال=فالله يعين البشر لا بان دجّالها

دام الاجابه بعيده عن حـدود السـوال
فالله يـعـيـن الـبـشـر لا بـــان دجّـالـهــا

الله يعين ...

صح لسانك .. وفالك النخبة ..!!!

عان الرعد والبروق تلوح عرض الخيال=والسيل لاتامنه لاناشك خيالها
الناس راحت جنوب وجهتك لشمال=والله يعز الديار بصامل ارجالها

صح بدنك يا الدجيماء


و فااالك الجنه


مشكوووووور

العطاوي


الراي السدد



صحة السنتكم


متابعين

البرق لا ما برَق توّه صتيم الجبال= اللي نهار اللقا ترتاح بظلالها
لا صار مالك على طول الزمن راس مال=لا تلحق الحمله و تغتاب جمّالها

حياك الله يا معجب


و مرووورك تشريف


مشكوووووووور

ابو صالح انا استاذنك لمدة ساعه و راح ارجع



و نكمل الطاروق ان شاء الله