مستور من غير امر سوق الجمل للجمل

حبيب العازمي



سلام ردية ٍ ما قدمها الا جبل
اما تعدا الجبل والا الجبل ردها
مستور من غير امر سوق الجمل للجمل
خل الجمال الاصيله تسري بشدها



مستور العصيمي


يا مرحبا يا ولد عاصي واخذها دبل
اقولها يا ولد عاصي وانا قدها
ان كان ما لك عمل شفت الك عندي عمل
اترك عمل مقبله لا رحموا به جدها




حبيب



تقدر وانا اقدر وانا خابرك قول وفعل
واللي بناها الدهر مستور ما هدها
ام الكباير تلبس بالرضا والزعل
والله لالا اللوم لا ابسطها على خدها


مستور


اللي بناها الدهر والا زمان الجهل
لا عاد فيها تدير العين وتلدها
انته تعشا بصل وانا اتعشا عسل
ان جبتها جيبها والا معك ودها



حبيب



لحقتها فالجبال وحولت فالسهل
لكن لابدنا والناس لا بدها
بعدك مصيبه وقربك مثل قرب النمل
والنمله الفارسيه عشها غدها



مستور


ما يخشر الا الرخوم مدورين الهمل
والا انت رجال تقدرها وتشتدها
ان كان عندك سوالف هاتها في عجل
وعلومك الطيبه يمدي على ردها



حبيب


اللي حضر في بدر وحنين يحسب بطل
انظر لقوة يدينك وانظر لضدها
ما هي غريبه يغيب هلال وهلال هل
وصدورنا مغلقه ما بيحت سدها



مستور




الهاربه هاربه تضوي على غير اهل
يا عنك يمناي ما تبخل على مدها

رائــــــــــــــــــعة

الله لا يهينك

كل المحاورة قويه ما اميز بيت عن الثاني

لاهنت ولاهانوا الشعراء ولاهيه غريبة

ياسلااام ياسلااام على المحاوره الرائعه

محاورات رائعه تقدمها للمنتدى فشكرا لك على كتابتها

لا هنت يالغالي ..

لاهنت يالمثالي

بس تاريخها متى

تلوموني يوم آقول فلان ماهو بشاعر ومحسوب على الساحة؟

اقرأوا المحاورة فوق واعرفوا الفرق بين الشعر والشعير

تحياتي

لا هنت يالغالي ..

مشكورين على المرور

اما بالنسبه لتاريخها مدري بس الوكاد انه


بعد فوز اوباما فالانتخابات هههههههههه


مستور .. الجلاوي ..الشيخي.. حبيب ما جاهم الا اخر الحفل ..

فالرياض .