وين الشاعر الموهوب

الا يا اصحابي الشعار وين الشاعر الموهوب
اب اخذ معه كلمه طيبه تحسب مع احسابه

وراع الشعر لاشك انه الليله هو المطلوب
يجي باخذ معه طاروق يرقابه وابا ارقابه

انا لك ياولد ولي تقدم شاعرن محسوب
على درب الوفاء والمعرفه مادور اتعبابه
تباها بالهجيني ياولد ولا على المسحوب
ولو ان المواقف ياوسيع العــرف غصابه

والا ياصاحبي سلطان حاول لاتذب دروب
ترا منتب ولي ً لي ولا تخطي بهالجابه

ليامنك قريت الكلمه الي جات فالمكتوب
توقع ثم هات الكلمه الي معه منسابه

انا ما استعلم الطرقي قبل ماقدم الماجوب
ونا شـاعر وقــاري فهمن بالرمـز وكتـــابه
علامك سرع مابيحتلي في سدك المحجوب
تعرض سدك المبيوح واعماء قافك وشابه

انا اطلب شاعرن وافي ولا جا حوله اي عيوب
يجيب الشي واضح مايجيب الشي متشابه

ترا هذي نصيحه والنصيحه تنفع المنكوب
وعسا الله يستر المنكوب والمضيوم بثيابه

ترى منته على درب العنا ياصاحبي مغصوب
ولا هو عيب لوشاورسعد واحد من اصحابه
انا ابعطيــك منــي علــم لـــو ان المحــيــط يــــروب
تشوف الناس تبني ياسعد وتخطط ترابه
وصح لسانك وبيض الله وجهك

قرينا في ملفك ثم لقينا لك ثلاث ذنوب
وحسنه وحده والخير دايم فاتح ً بابه



صح بدنك

ولاهنت

بيض الله وجيهكم وافين

استمرووووو قاف ممتع

صح بدنك اخوي احمد وشكرً على مرورك الكريم