ليت الرخوم وسومها في وجيّها!!

سلام عليكم



أسعد الله صباحكم..





تقبلوا هذه الأبيات..









الله من قلب ٍ تجدّد حسافته=من يوم ما بعض الهواجس حافته

وقت ً يصارعنا وحنّا نصارعه=مدري يعافتنا وحنّا نعافته

مير الأكيد إن الزمان متغيّر=وقت ً على العقّال يامكبر أفته

الزور صارت كلمته جاهريّه=والحق صارت كلمته شبه خافته

ولو الخطاء ينشاف في شدّة الضحى=ما كنّها عيون المخاليق شافته

تلقى مع المخطي عبادًا تدفّه=هذا يصفق له وهذا يخافته

مسافة الشّر فآخر الوقت قرّبت=والخير بين الناس طالت مسافته

ما كن فقلوب البشر خيفة الله=لا قلّل الله جوف قلبي مخافته

الطيّب أحبّه ولا أمل رفقته=وألاّ الضعيف أشد ما أكره ضعافته

جرّبت فالأيام والوقت مدرسه=وعرفت بإن الرفق عزّه نظافته

كم واحدًا كلمة نعم ماتطوفه=وكم واحدًا حتى الفناجيل طافته

وكم صاحبً يضحك ويظهر بشاشته=والنكت الأسود داخل القلب كافته

ليت الرخوم وسومها في وجيّها=ويكتب على بيوت المهابيل لافته

حتى ليا جات الطراقي تزلّها=والنفس لا عافت لها شي عافته







أخوكم/

عيضه الثبيتي

12/4/1432هـ

الشاعر الجزل عيضة الثبيتي

صح الله لسانك وبارك الله فيك وجعلك ذخرا لقبيلة عتيبة

تقبل تحياتي وتقديري لشخصك الكريم

الله الله


يسعد صباااااااااااحكـــ يابو فيصل


شامخه كشموخ الجبااال


لله دررركـــ

..

.
اين ماوجد ابو فيصل ... فأن الابداع مضمون
جزله وشامخه بشموخكــ يابطل
لافض فوكــ
....

صح لسانك ياجزل

صح السانك ياعيضه

جزله وعادتك الجزاله

صح لسانك ياعيضه

عيضه الثبيتي


لله درك على ماتكتب ولك تحيتي

جــــــــــــــــــــــــــزل ياعيضــــــــــــــــــــه وتقبل مروري وأنا أخوكـ

للأسف هذا زماننا وللأسف موثق عليه هذه الأحوال في الشعر الشعبي من قبل :) ولكن يوجد توثيق بأن الرفقة الطيّبه موجودة وهذا بيت حكمة وتعليم عن ماهي نظافة الرفق


جرّبت فالأيـام والوقـت مدرسـه=وعرفت بإن الرفق عـزّه نظافتـه

جزاء لعصيمي


لا هنت على حضورك

عيضة


صح لسانك

ليت الرخوم وسومها فـي وجيّهـا
ويكتب على بيوت المهابيـل لافتـه
حتى ليـا جـات الطراقـي تزلّهـا
والنفس لا عافت لها شـي عافتـه



لاول مره اقرألك نص على الطرق الهلالي "


لله درك من مبدع صح لسانك حتى ترضى "

الشهاده فيك مجروحه يابو فيصل "

شاعر بحر و قصيده ساااااميه

الوكاد كثر لنا منها "

مبدع كما عهدناك قصيده ذهبيه يا ابو فيصل


وكم صاحبً يضحك ويظهر بشاشته=والنكت الأسود داخل القلب كافتـه


الله يخارجنا ولا يقربنا من أمثال هؤلاء

ياسلاام

صح الساااااانك

تحيااااتي

حاكم الغنامي




لاهنت



على تشريفك