مرحوم يادرع الوطن

السلام عليكم ورحمة الله وبركاته



هذه الابيات البسيطه رثاء في سيدي نايف بن عبدالعزيز اسكنه الله فسيح جناته ومهما نكتب لن نوفيه حقه ولكن مجرد خاطره





مرحوم يامن هيبته هزت ايران=واذيالها اللي تتصف بالخيانه
مرحوم يادرع الوطن ذرب الايمان=مرحوم ياراع الوفا والامانه
تبكي عليك امه وساحات وواطان=ويبكي عليك الدار وامنه وامانه
ويبكيك شيبان" ويبكيك شبان=ويبكي عليك اللي بدار الحضانه
ويبكيك فقران" ويبكيك زملان=ويبكيك منهو معترض للاهانه
ويبكيك مغبون" ويبكيك يتمان=ويبكيك من قاسا مصايب زمانه
ويبكي عليك الطيب في كل ميدان=وتبكي عليك المرجله والذهانه
يجبر عزانا فيك خلاق الاكوان=الواحد اللي مفترد جل شانه
ويجعلك الفردوس منزل ومسكان=مع الرسل واهل التقى والديانه
ويالله عسى قبرك بهمال الامزان=في كل ليل ويوم يسقى مكانه

صح الله لسانك يالروقي وبيض الله وجهك

والله يرحم نايف ويبقي عبدالله وسلمان

ويحفظ لنا الوطن الغالي والامن والامان

صح لسانك ياطيب

صح الله ابدانكم




وتشرفت بمروركم العذب

صح لسانك على ما اوردت هنا يالروقي