ماهو معقول أبد؟ للشاعر عبدالله عتقان السلمي

قصيده للشاعر / عبدالله بن عتقان السلمي



العام كنـت تحبنـي حـب مقبـول=
حب الشرف والطيب مافيه تشكيـك
وتنطق بهرجٍ من شفايـاك معسـول=
يطلع ذهب والماس من بين أشافيـك
وتقول جعل الحب يبقى على طـول=
وياعل عينـي كـل يـومٍ تراعيـك
وإن غبت عنك يزورني منك مرسول=
برسالـةٍ تشكـي عليـه بمافـيـك
وأجيك والقى الرمش بالدمع مبلـول=
وأقول ياخلـي مـن اللـي مبكيـك
وتقول كنت أحسب غيبتـك بطـول=
وتلقى بدالي شخص ثانـي ينسيـك
وأطمنـك وأجددالعـهـد وأقــول=
مانـي بعبـدالله إذا صـرت مابيـك
أنا معك ماشي على العهد بوصـول=
مانـي بدجـالٍ يبيعـك ويشـريـك
وأسـرارنـا مايكتشفـهـا ولا زول=
دايـم توصينـي عليهـا وأوصيـك
واليوم صرت إنسان بالحيل مملـول=
بخيـل بإخـلاص كريـم بتجافيـك
أدق جوالـك والاقـيـه مقـفـول=
كلـه نذالـه ماتبيـنـي أحاكـيـك
وإن قلت ودي شوفتك قلت مشغول=
دايـم تعـذر لـي بقولـك ميمديـك
يحول وش غير طبيعتـك يحـول=
أكيـد بـه نـاسٍ تغيـر مبـاديـك
معقـول هـذا منك؟ماهـو بمعقـول=
تستسلم لغيرك وتضعـف هقاويـك
والله لترجع مثـل ماكنـت مقبـول=
والأ يميـن الله مـن القلـب للغيـك

صح لسانك ولسان السلمي


تحياااااااااااااااااااتي

..
.

لاهنت يافيصل ....
وصح لسان السلمي ..

..

تسلم يمناك وصح لسان شاعرها اخوي فيصل
اختيار رائع

صح لسانك ولسان السلمي

شاعر له مكانته في المحاوره والنظم


تحياااااااااااااااااااتي